1 Tesalonika teeb 4:3 - Yennu Gbounpaauŋ Mɔɔr

³ Kimaan Yennu loon ki yii tee popeendamm ki daa tuun bonchonchonn toona.

Yennu Gbouŋ Mɔɔr

³ Kimaan Yennu loon ki yii tee popeendamme ki daa tuun bonchonchontoona.

1 Tesalonika teeb 4:3 ပူးပေါင်းရင်းမြစ်များ

Matiu 12:50

kimaan wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo nan n naa.”

Matiu 15:19

Kimaan nirɔ par nie ki dudukbiit nyi, nan nikpinu, nan bonchonchonn toona, nan nanyukin, nan faak siara, nan sanjaauŋ.

Matiu 5:32

ŋaan min ŋanin beerie la, nan wunba kur tan yêt u ŋaapoo, ki li ki tee u tun bonchonchonn toonn kaa, ŋɔɔe te ki u poo maŋ tuun bonchonchonn toonn; ki wunba kɔɔn poo nba ki bi yêtɔ na mun bia tun bonchonchonn toonna.

Matiu 7:21

“Li ki tee binba yin ‘N Yomdaanɔ, n Yomdaanɔ’ na kur kaa tan sa kɔɔ Yennu naan ni, see binba sak n Baa Yennu nba be sanpaapo na mɔb.

Barŋanii nba ki MAK din sɔb nae na 3:35

Wunba kur tuun Yennu loomm, ŋɔɔe tee n waarɔ nan n niipoo nan n naa.”

Jɔɔnn 4:34

Ki Yisa jiimm, “Min yaa jeet tee ki mii tuun Yennu nba tumin na yanbɔɔtoona ki gbenn.

Jɔɔnn 7:17

Wunba loon wun tun Yennu yanbɔɔtoona, ŋɔɔe sa bann linba ki n piak ki want na nan li nyii Yennu boor amii n boor.

Toona 15:20

Ki la sii tee biaŋinba, li ŋan ki tin sɔb gbouŋo, ki betib ki bi daa di linba ki bi poŋ mann pata, ŋaan betib ki bii so bi mɔŋ nan bonchonchonn toona, ki bia daa ŋman bonkobuk nba ki bi ŋmakir kpii, ki bia daa di sɔmi.

Toona 15:29

Ya sii tuun linba maŋe na: I daa di jeet nba ki bi mann pata. I bia daa di sɔmi. I biakii mi ki i ŋman bonkobuk nba ki bi ŋmakir kpii, ŋaan kii so i mɔŋ nan bonchonchonn toona. Li-i tee ki i dia i mɔŋ nna, li sii ŋan i po. Li kurii na.”

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Rom Teeb 1:29

Ki biit kur din be bi ni, ki bi gbee nan biit nan nianchiauŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjanjanna;

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

1 Korint teeb 7:2

ŋaan bonchonchonsin paak, li ŋan ki jɔɔ kur-ii mɔk u mɔŋ poo, ki poo kur-ii munii mɔk u mɔŋ sɔrɔ.

2 Korint teeb 12:21

n bia mɔk jijeet nan Yennu sa te ki n di fei i paak; ki n par sa biir i siab bonchiann paak, kimaan bi poŋ tun toonbiit, nan jakint toona, nan bonchonchonn toona, ki ji ki tiin fei, ki bia ki nyik bi biit maŋi.

Galasia teeb 5:19

Nisaarik binbeŋ nba want li mɔŋ linba ni tee bonchonchonn toonae, nan jakint toona, nan lanmiok toona,

Efesus teeb 5:17

Li paak, yii bant linba tee ti Yomdaanɔ loomm ki daa tee i mɔŋ jatiti.

Efesus teeb 6:6

I daa tiimm yoo nba ki bi tuu gorii-i ki i tuun na kuukɔɔ kaa, a bin pakiini, ŋaan yi jii i mɔŋ teen Masia daaba kii tuun linba tee Yennu loomm nan i para kura.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

1 Tesalonika teeb 4:2

kimaan i mi kpaanii nba ki ti din turi ti Yomdaanɔ Yisa sann ni na.

1 Tesalonika teeb 4:4

Sɔɔ kur-n bann wa sa kɔɔn poo nan binbenyeeŋ nan baakir sɔnu biaŋinba,

1 Tesalonika teeb 5:18

kii teen Yennu niipoouk bonsiar kur ni, kimaan ŋanne tee Yennu nba loon biaŋinba, ya tee Yisa Masiaweira na paak.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

2 Tesalonika teeb 2:13

Ti naa waas, yimm nba ki ti Yomdaanɔ looni na, li kpaa talas ki ti pak Yennu yoo kur i paak, kimaan Yennu din ganni pinpiik neewa a yin la tinnu. I din teen barmɔnii barŋanii yada, ki u Seyeeŋ bia ŋammi ki teeni popeendamm, li paak te ki i la tinnu na.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 10:36

Li ŋan ki yii mɔk sukuru, ki fit tun Yennu lomm na, ki la wa din senn mɔsonn a u sa turit linba na.

Hiibru teeb 12:16

I sɔɔ daa tuun bonchonchonn toona amii ki gorii Yennu barii yann kaman nan Esɔ wunba din jii u saakatuk ki daa jeet ki dii taar yomm na.

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

Hiibru teeb 13:4

Yii mɔk nibaakir nan i leeb nan i pookɔɔnt nan i jakunt ni ki daa chommi, kimaan Yennu tan sa dat bonchonchona nan joonbaarit nan sapaanwɔbira nan naasinwɔbira tuba.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 4:2

La jii yoo na ki saa, i daa jikit i gbanant ki tuun nisaarik loonbiiti, ŋaan kii waa Yennu loomm.

1 Jɔɔnn 2:17

Tingbouŋ na tan sa gbenn, ki tingbouŋ na ŋaateeb niauŋ na mun bia sa gbenn, ŋaan wunba tuun Yennu yanbɔɔtoona, ŋɔɔe tan sii be mɔkmɔk nan yoo nba kaa gbennu.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.