1 Tesalonika teeb 2:9 - Yennu Gbounpaauŋ Mɔɔr

⁹ Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

Yennu Gbouŋ Mɔɔr

⁹ Ti naa waas, setik nan mɔniie, i mi taa din tuun ki di fara biaŋinba. Taa din be i boor ki mɔɔntir Yennu barŋanii maŋ ki teeni na, ti din tuun yonnu nan nyiɔko, a ti daa tee jikir i sɔɔ paaki.

1 Tesalonika teeb 2:9 ပူးပေါင်းရင်းမြစ်များ

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Barŋanii nba ki LUK din sɔb nae na 2:37

ki u sɔrɔ tan kpo ŋaan nyikɔ pakɔɔk binpiinniin nan ŋanna; ŋaan u din tuu ki nak Yennu jiantu ŋasaakak yennu nan nyiɔk, ki jiantir Yennu ki lorin mɔb ki meiɔ.

Toona 18:3

a wuu be namm, kimaan bi kur din tee gbanjabirae ki din tuun nan leeb.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 20:31

Li paak, i guu man, ki daa tammit ma din kpaan i kur nan ninnyuut, ki ki nyik, yennu nan nyiɔk, ki tan jaŋ bina ŋanntaa na ni.

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

1 Korint teeb 4:12

Ti niŋinniie ki ti tuun ki di; bi-i sukirit, ti tuu jiimm mɔŋamme; bi-i dintit fara, ti tuu mɔk sukurue;

1 Korint teeb 9:15

Ŋaan n ki jii yaak na ki tun nan toonni, ki bia ki sɔbin na a i turin siari. Mi-i kpo, li sɔ nan sɔɔ-n te ki n parbifaant-ii tee yann.

1 Korint teeb 9:18

Lanne tee n nyɔɔti? N nyɔɔt tee ma mɔɔntir barŋanii na yann, ki ki jii yaak nba ki n mɔkir barŋanii toona ni na ki gaan siari.

1 Korint teeb 9:4

Ti ki mɔk yaak nba ki ti sii di ki nyu-uu?

2 Korint teeb 11:27

N din set tuun Yisa Masia toona nan nunmɔnn, ki laat fara, ki ki gɔɔnt nyiɔku; kon nan nyunyukiru din tuu soorin; ki n kɔŋŋit jeet; ki waat son; ki n bongbabkar ki jaŋŋitimi.

2 Korint teeb 11:9

Ma din be i boor ni yoonba ki ki mɔk siar na, ŋaan n lek din ki mukisi ma yin sommin nan siari. Ti naa waas nba din nyii Masedonia din baar nan bonsiar nba ki n din loon na. Ma lek din be biaŋinba li yoo na, n bia lek sii be nnee; n kan mukisi a yin sommin nan bonsiari.

2 Korint teeb 6:5

Niib dia kpaasa ki boot, ki loontit dansarii ni; ki ti paak ki niib fu fuut; ki ti lek tuun toona ki ki gɔɔnt nyiɔku, ki ki di sianyoo gbaa.

Filipi teeb 4:16

Ma din tan be fara ni Tesalonika doo ni na, yimme din tun ki teenin sommir.

1 Tesalonika teeb 1:3

kimaan Yennu nba tee ti Baa na tɔɔnn po, ti tian biaŋinba ki i teenɔ yada ki tuun toonŋana, nan i loomm nba te ki i tuun nan nunmɔnn biaŋinba, ki i dindann be ti Yomdaanɔ Yisa Masia ni chib chib biaŋinba.

1 Tesalonika teeb 2:2

I mi nan ta lek daa din be Filipi doo ni, ki bi dinnit fara nan fei biaŋinba, ki see ti paak bonchiann na, ŋaan ta din baar i boor ni, ti din mɔk parcheenn nba nyi Yennu boor ni nan tin mɔɔnt barŋanii maŋ turi.

1 Tesalonika teeb 2:6

Ti din ki loon i sɔɔ-n pakiti, amii nisɔɔ.

1 Tesalonika teeb 3:10

Nyiɔk nan yennu kur ti meiɔ nan ti para kura a wun te ki timm nan yimm-n la leeb ki tin ŋamm i yada.

1 Timoti 1:11

ki Masia barŋanii nba wann Yennu nba ŋan bonchiann biaŋinba na mun wann nnee; ki ŋɔɔ Yennu din teen barŋanii maŋ n nuu ni ki n mɔɔntirir.

1 Timoti 4:10

Ti gbaae ki tuun nan nunmɔnn kimaan ti mɔk dindann Manfodaanɔ Yennu paak, kimaan u be ki tee sɔɔ kur Tinntɔɔ, ki sa tinn sɔɔ kur nba teenɔ yada.

1 Timoti 5:5

Pakɔɔk nba be u kuukɔɔ ki kaa sɔɔ, ŋaan ki u dindann be Yennu ni, ki u mei Yennu yoo kur, ŋɔɔe tee barmɔnii pakɔɔk.

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.