1 Tesalonika teeb 2:4 - Yennu Gbounpaauŋ Mɔɔr

⁴ ŋaan ti mɔɔntir kaman nan Yennu nba loon tii mɔɔntir u maan biaŋinbae, kimaan u poŋ la ki ti jaŋ nan tin dia barŋanii maŋ. Li paak, ti ki mɔɔntir ki pent nisaarik par ni kaa, ŋaan ti pent Yennu nba bikii ti dudukit na par nie.

Yennu Gbouŋ Mɔɔr

⁴ ŋaan ti mɔɔntir Yennu nba loon tii mɔɔntir u maan biaŋinbae, kimaan u poŋ la ki ti jaŋ nan tin dia barŋanii maŋa. Li paak, ti ki mɔɔntir a ti penn nisaarik par kaa, ŋaan ti loon tin penn Yennu nba bikii ti dudukit na pare.

1 Tesalonika teeb 2:4 ပူးပေါင်းရင်းမြစ်များ

Barŋanii nba ki LUK din sɔb nae na 12:42

Ki ti Yomdaanɔ Yisa jiin ki yetɔ a “Daabilannɔe tee yandaanɔ ki tuun u chanbaa nba wantɔ biaŋinba? ŋɔɔe tee wunba ki u chanbaa sa teenɔ daabiyudaanɔ a wuu gorii daaba kur nba be u ŋaak ni, kii teemm mann yoo kur nba jaŋ.

Barŋanii nba ki LUK din sɔb nae na 16:11

Li-i tee ki a di fobit nan tingbouŋ na likirii, Yennu sa jii sanpaapo mɔkint ki teen a nuu ni-ii?

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Rom Teeb 8:27

Ki Yennu nba laat nisaarik par ni mi Seyeeŋ na dudukit nba tee, kimaan Seyeeŋ na mei Yennu u niib paak, ki li waa nan ŋɔɔ Yennu nba loon biaŋinba na.

1 Korint teeb 7:25

Mɔtana, n ji piak ki teen binba daa ki kɔɔn poob amii ki daa ki kun jab nee, ŋaan ti Yomdaanɔ ki chabin a n betib nna; ŋaan ti Yomdaanɔ ninbatinu paake ki n teen barmɔnii daanɔ.

1 Korint teeb 9:17

Mi-i bo-i gann toonn maŋ n tiauŋue, n bo sa la nyɔɔt, ŋaan min-i kaa gann n mɔŋi, li tee Yennue guunin toonn maŋ.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

2 Korint teeb 5:11

Ta tiin ti Yomdaanɔ biaŋinba na, li paak ki ti daak niib. Yennu mi ti binbeŋ nba be biaŋinba; ki n mɔk dindann nan i mun bia mi i para ni nan n binbeŋ nba be biaŋinba.

2 Korint teeb 5:16

Li paak, ti ji ki gorii nisɔɔ nanyer po kaa; ta din got Masia nanyer po biaŋinba na, ŋaan ti ji ki goriiɔ nna kaa.

Galasia teeb 1:10

N ki yiab ma n gaar nisaarik pinpakit kaa, ŋaan Yennu yare ki n loon, kimaan mi-i loon nisaarik pinpakitie, n bo kan teen Masia daabiri.

Galasia teeb 2:7

Ŋaan ba set la linba n boor ni tee Yennu nba gannin a n mɔɔnt u barŋanii ki tur binba ki tee Juu teeb na, kaman nan biaŋinba ki u din gann Piita a wun mɔɔnt li barŋanii ki tur Juu teeb na.

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

Efesus teeb 6:6

I daa tiimm yoo nba ki bi tuu gorii-i ki i tuun na kuukɔɔ kaa, a bin pakiini, ŋaan yi jii i mɔŋ teen Masia daaba kii tuun linba tee Yennu loomm nan i para kura.

Kolosa teeb 3:22

Daaba, yii saak i yomdamm mɔi bonsiar kur ni, ki li daa tee yoo nba ki bi gorii-i na kuukɔɔ kaa, a yin penn bi para ki gaar pinpakiti, ŋaan yii tuun nan nunmɔnn yoo kura, kimaan ya baak ti Yomdaanɔ biaŋinba na.

1 Timoti 6:20

Timoti, i guu barŋanii nba ki Yennu jii ki teen a nuu ni na. A nyik jat mɔniɔk nan labafaanu nba ki mɔk nyɔɔt ki bia ki tee Yennu yari, ki nisiab yir “bannu” na;

2 Timoti 1:14

Yennu Seyeeŋ paŋ nba be ti ni na paak, i dia barŋanii nba ki u jii ki teen a nuu ni na.

2 Timoti 2:2

Fa poŋ din gbat wannu nba n peŋ niib bonchiann boor ni na, a jiir ki wann nisiab nba tee yadadamm, binba mun sa fit wann nileeb mun.

Taitus 1:3

ki yoo nba din tan jaŋ na ki u fiit wann li labaar u maan ni; ki u din jii labaar maŋ ki teen n nuu ni, ki n mɔɔntir kaman nan ti Tinntɔɔ Yennu nba turin mɔb na.

Hiibru teeb 4:13

Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.