1 Tesalonika teeb 2:2 - Yennu Gbounpaauŋ Mɔɔr

² I mi nan ta lek daa din be Filipi doo ni, ki bi dinnit fara nan fei biaŋinba, ki see ti paak bonchiann na, ŋaan ta din baar i boor ni, ti din mɔk parcheenn nba nyi Yennu boor ni nan tin mɔɔnt barŋanii maŋ turi.

Yennu Gbouŋ Mɔɔr

² I mi taa din be Filipi doo ni, ki bi dintit biak nan fei biaŋinba, ŋaan taa baar i boor, siab lek din yiab a bin gɔɔr ti wannu na, ŋaan ki ti mɔk parcheenn nba nyi Yennu boor ki mɔɔntir barŋanii maŋ ki teeni.

1 Tesalonika teeb 2:2 ပူးပေါင်းရင်းမြစ်များ

Toona 14:3

Ki toomiinba na ji din jii yoo bonchiann ki be leŋ, ki ŋammit piak nan parcheenn ki jikit saa ti Yomdaanɔ Yisa po, ki u turib yaak a bii tuun bakitnauŋ toonjaana, ki li din want nan ba piak u ninbatinu po na, li maan maŋ set nyii u boore.

Toona 14:5

Ŋanne ki Juu teeb nan boorganu na lakin leeb nan bi doo maŋ yudamm, ki dukii a bin teen toomiinba biasin ki jaatib tana;

Toona 16:12

ŋaan tɔɔt ki gar baar Filipi, doo nba tee digbansaakar Masedonia yent ni na. Doo maŋ din tee Rom teeb yente. Ti din be doo maŋ ni ki li mann nan daa ŋaŋŋa nawa.

Toona 16:19

U yomdamm nba bann nan bi liknamu sɔnu na gbennii na, ki bi soor Pɔɔl nan Sailas, ki datib baar namm bi yudamm linlakin boor ni.

Toona 16:37

Ki Pɔɔl jiant bet lanjimanba na, “Bi daa ki bu ti buuti, ŋaan won boot nan lanbann niwor ni, ŋaan ti lek tee binba ki Rom teeb chabit bi yaak na, ki i barbuura bia won taan jiit ki lut dansarik ni, ki mɔtana ki bi ji loon bin bɔr nyinnitii? Waa! Ŋann kan teeni. Ŋaant ki barbuura maŋ-n baar bi mɔŋ ki tan nyinnit.”

Toona 17:1

Tɔn, ki bi ji din saa ki saa gar Amfipolis nan Apolonia, ki baar Tesalonika. Leŋe ki Juu teeb jiantu diiuk din be.

Toona 17:17

Ki u tuu kɔɔ Yenjiantu diiuk ni ki faa labaar nan Juu teeb nan boorganu nba jiantir Yennu na. Ki u bia din tuu saan bi linlakin boor ni daa kur, ki saa faa nan binba baat leŋ na labaar, Yisa barŋanii po.

Toona 19:8

Ŋmaarii ŋanntaa nie ki Pɔɔl ji din saan Juu teeb jiantu diiuk ni, ki want niib na nan parcheenn, ŋaan faa labaar namm, ki yabii u mɔŋ a wun kpint bi yan ki jikit saa Yennu naan po.

Toona 4:13

Tituk teeb maŋ nba din la Piita nan Jɔɔnn parcheenn nba ki bi mɔk na, ki bia bann nan Piita nan Jɔɔnn tee damm nba ki mi gbouŋ bonŋann na, li din yaar ŋaan litibe, ki bi ji bann nan bi tuu tee Yisa weinanleebe.

Toona 4:20

kimaan timm kan fit ki nyik pinpauk linba po ki ti la ki bia gbati.”

Toona 4:31

Ba gbenn Yenmiaru na yoonba, ki siaminba po ki bi tikir na ji jek, ki bi kura gbee yent nan Yennu Seyeeŋ, ki ji piin piak Yennu maan nan parcheenn.

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

2 Korint teeb 3:12

Ta mɔk dindann nba na paake te ki ti mɔk parcheenn.

Kolosa teeb 2:1

Kimaan n loon ki yin bann n baka nba be i ni biaŋinbae, nan Masia niib nba be Laodisea, nan binba daa ki mi lan nan bi ninbina na.

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,