1 Piita 5:5 - Yennu Gbounpaauŋ Mɔɔr

⁵ Nnee mun, yimm nba tee nipaauŋ, yii saak saakab mɔi; ki i kur-ii gaan leeb mɔi, ki i kur-n teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

Yennu Gbouŋ Mɔɔr

⁵ Nnae mun, yimm nba tee nipaauŋ, ii saak saakab mɔi; ki i kur-ii gaan leeb mɔi, ki teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

1 Piita 5:5 ပူးပေါင်းရင်းမြစ်များ

Barŋanii nba ki LUK din sɔb nae na 22:26

ŋaan yimm ŋanin, li ki tee nna. Wunba tee nijaann i ni, see ki u teen kaman nan niwaarik na; ki yudaanɔ mun-n teen kaman nan daabir na.

Rom Teeb 12:10

I loon leeb man bonŋann kaman nan nirɔ nan u naa bik nba tuu loon leeb biaŋinba na, ki kot kii baakit leeb;

Rom Teeb 13:14

Yii tee man kaman nan ti Yomdaanɔ Yisa Masia nba tee biaŋinba na, ŋaan nyik i gbanant loonbiit, ki daa dukii li po jiki.

Efesus teeb 5:21

Masia paak, yi sikin i mɔŋ ki tur i leeb man.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

1 Timoti 5:1

A daa yakii nan jakpersɔɔ, ŋaan pak turɔ kaman nan a mɔŋ mɔŋ baa na, kii dia naasimm kaman nan a mɔŋ mɔŋ ninjamm na,

Hiibru teeb 13:17

Yii saak i yudamm mɔi ki sikin i mɔŋ ki turib, kimaan bi baka be i benu ni, kimaan bi tan sa wann Yennu bi toona nba ki bi din tuun. Ŋaant ki bin tan wannɔ nan parpeenn, ŋaan tan daa wantɔ nan parbiiri. Nna tan kii mɔk nyɔɔt ki turiini.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a “Yennu kɔn nan karinbaanii damme, ŋaan sommit binba sikin bi mɔŋ.”

1 Piita 3:8

Linba biar na tee nnee; i kur-ii mɔk man dudukyenn, ki i baka-ii be i leeb ni, kii mɔk loomm nan Masiaweira, kii tiin i leeb ninbaauk, kii sikint i mɔŋ.

1 Piita 4:1

Masia nba din dii fara ti paak na, i mun chee i para kii dukii nna, kimaan wunba dii gbanant fara, u nyii toonbiit tumu niwa.

1 Piita 4:5

Ŋaan bi tan sa bu bi mɔŋ buut ki tur Yennu nba teen siir ki sa bu footib nan kpeemm buut na.