1 Piita 5:3 - Yennu Gbounpaauŋ Mɔɔr

³ Daa mantik dia niib nba ki Yennu tura ki a diab na nan ninmɔnni, ŋaan te ki i binbenŋaŋ-n wannib ba sii be biaŋinba.

Yennu Gbouŋ Mɔɔr

³ Daa mantik dia niib nba ki Yennu turi na nan ninmɔnni, ŋaan te ki i binbenŋaŋ n wannib baa sii be biaŋinba.

1 Piita 5:3 ပူးပေါင်းရင်းမြစ်များ

Jɔɔnn 13:15

kimaan n wanni nyinne na, ki yii mun-ii tuun nna man kaman nan ma tun biaŋinba ki turi na.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

1 Korint teeb 11:11

Ŋaan ti Yomdaanɔ boor ni ŋanin, jɔɔ-i bo-i kaa, poo mun bo kaa, ki poo-i munii kaa, jɔɔ sii kaa;

1 Korint teeb 3:5

Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

1 Korint teeb 3:9

Ti lakin tuun ki teen Yennue. I tee kaman nan Yennu kpaab nee, ki bia tee kaman nan Yennu diiuk na.

2 Korint teeb 1:24

Ti kan fit mukisi ki wanni ya sa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti ya sa teen biaŋinbae kii mɔk parpeenn.

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Filipi teeb 3:17

N naa waas, yii biakii tokii min man. Yi jii i dudukit teen damm nba waa siarŋana nba ki ti din senn turi na ni.

Filipi teeb 4:9

Jiin linba ki i tumii ki gaar n boor ni nan n mɔbona nan n toona na kii tuun nann toona. Ki ti Yennu nba teent parmaasir na sii be nani.

1 Tesalonika teeb 1:7

Ki ya din tuun biaŋinba na din wann ti naa waas nba be Masedonia nan Akaya tinii ni na mun nba sii tuun biaŋinba na.

2 Tesalonika teeb 3:9

Ta din tuun nna maŋ na, li ki want nan ti ki mɔk yikoo nba sa boi sommir po kaa; ti din tun nna a ti teen nyinne ki turi ki yin weir.

1 Timoti 4:12

Daa te ki sɔɔ-n sianna kimaan fa pɔ na paaki. A te ki a pinpauk nan a binbenŋaŋ, nan a loomm, nan a yada, nan a binbenyeeŋ-n wann Masiaweira nba bo sii be biaŋinba.

Taitus 2:7

A mɔŋ-ii be fanu bonsiar kur ni, kii want leeb ba sii be fanu biaŋinba. A wann niib Masia labaar nan barmɔnii, kii sub.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.