1 Piita 5:12 - Yennu Gbounpaauŋ Mɔɔr

¹² Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.

Yennu Gbouŋ Mɔɔr

¹² Sailas nba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, nan ŋanne tee Yennu maan nan barmɔnii. Li paak, ii diar fanu man.

1 Piita 5:12 ပူးပေါင်းရင်းမြစ်များ

Jɔɔnn 21:21

Piita nba lau yoonba na, ki u boi Yisa, “N Yomdaanɔ, ŋaan ki jɔɔ na ŋarimi?”

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Rom Teeb 5:2

U paake ki Yennu tint ninbaauk ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu sa turit na.

1 Korint teeb 15:1

N naa waas, n loon ki n tiari barŋanii nba ki n din mɔɔnt ki turi, ki i gaar ki diar fanu na poe.

2 Korint teeb 1:19

Kimaan Yisa Masia nba tee Yennu Bija na, wunba ki min nan Sailas nan Timoti din mɔɔnt u po ki turi na, u ki tee “Nn” nan “Aaii” kaa, ŋaan u mɔlora kur ni tee “Mme.”

2 Korint teeb 1:24

Ti kan fit mukisi ki wanni ya sa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti ya sa teen biaŋinbae kii mɔk parpeenn.

Efesus teeb 3:3

U din fiit u woonin ni lor na ki wannima.

Efesus teeb 6:21

Mɔtana ti naa bilonkak Tikikus wunba tee ti Yomdaanɔ toontunnɔ nan barmɔnii na sa beti ma be biaŋinba nan linba ki n tuun.

Kolosa teeb 1:7

I din tumii Yennu ninbatinu maŋ po ti toontunlɔɔ Epafras wunba ki ti loonɔ na boor ni; ŋɔɔe tee Masia toontunnɔ nba tuun nan barmɔnii i boor ni ki turit,

Kolosa teeb 4:7

Ti naa bilonkak Tikikus, wunba tee yada daanɔ, ki bia tee ti toontunanlɔɔ ti Yomdaanɔ ni na sa beti n labaar.

Kolosa teeb 4:9

Ŋɔɔ nan Onesimus, wunba tee ti naa bilonkak nba mɔk yada ki tee i yɔɔ nee sa saan. Bi sa beti bonsiar kura nba tuun nna na.

1 Tesalonika teeb 1:1

Min Pɔɔl nan Sailas nan Timotie sɔbin gbouŋ na ki teen niib nba be Tesalonika ki tee ti Baa Yennu nan ti Yomdaanɔ Yisa Masia nigannkab na; ŋɔɔ Yennu-n sommi, ki bia turi parmaasir.

2 Tesalonika teeb 1:1

Min Pɔɔl nan Sailas nan Timoti sɔbin gbouŋ na ki teen ti Yomdaanɔ Yisa Masiaweira nba be Tesalonika ki bia tee Yennu yab na.

Hiibru teeb 13:22

N naa waas, n barimiie, yi di sukuru ki gbiint kpaanii na; kimaan ma sɔb gbouŋ nba turi na ki fɔki.

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

1 Piita 4:10

Sɔɔ kur nan wa gaar yan nba nyii Yennu boore, i diar fanu ki jii yan maŋ ki somm i leeb.

2 Piita 1:12

Li paak, n sii yɔɔ ki tiani labaar na poe yoo kur; ŋaan n lek mi nan i poŋ gbatira, ki mir fanu, ki diar chimm;

2 Piita 2:15

Bi ki saak ki waa sɔnu nba tooki, ŋaan tokii sɔnganu; bi waa Beor bija Balaam nba din waa sɔnu nba nee. U din loon toonbiit nyɔɔte,

3 Jɔɔnn 1:12

Sɔɔ kur piak Demetrius; ki u benu nee bia want nan u waa barmɔnii wannu; ki ti mɔŋ mun piakɔ; ki a mun mi nan ti set tee barmɔnii damme.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,