1 Piita 5:1 - Yennu Gbounpaauŋ Mɔɔr

¹ Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

Yennu Gbouŋ Mɔɔr

¹ Yimm tɔɔndamm nba be Yiisaweira sinsuuk ni na, n kpaaniie, min nba mun tee tɔɔndaanɔ, ki n ninbinn din la Masia nba dii biak biaŋinba, ki n bia saa lakin di manu bonchiann nba tan saa nyi paanu na,

1 Piita 5:1 ပူးပေါင်းရင်းမြစ်များ

Barŋanii nba ki LUK din sɔb nae na 24:48

Ki u bia betib a “Yimme tee linba na siara damm.

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 11:30

Ki bi din teen nna, ki tun Banabas nan Sɔɔl nan likirii na, a bin saa tur Yisaweira saakab Judea tiŋ ni.

Toona 14:23

Ki doi kur ni ki bi tuu gann Yisaweira saakab, ki din mei Yennu ki lorin mɔi, ki jikit Yisaweira nan bi saakab na ki kubintib bi Yomdaanɔ Yisa nuu ni, wunba ki bi poŋ teenɔ yada na.

Toona 15:4

Ba baar Jerusalem yoonba, ki Yisaweira nan bi saakab nan toomiinba na din gaarib saantuk. Ŋanne ki Pɔɔl nan Banabas betib linba kur ki Yennu tun namm.

Toona 15:6

Li paak ki toomiinba nan saakab na lakin leeb, a bin dukin maan maŋ po.

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 20:17

Ŋanne ki Pɔɔl din tun toomii a bin nyi Miletus doo ni, a ki saan Efesus ki saa yiin Yisaweira saakab na.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 21:18

Ki li yent sanyiɔk, ki timm nan Pɔɔl saan a ti saa foont Jems. Yisaweira saakab kura mun din be leŋ li yoo.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

2 Korint teeb 5:1

Kimaan ti mi nan gbanant nba ki ti mɔk mɔtana na-i taŋŋi kpo, ti mɔk ŋei nba ki Yennu sa turit sanpaapo, ki li ki tee nifosaarik kaa maa ŋei maŋi, ki li bia tan sii be nan yoo nba kaa gbennu.

2 Korint teeb 5:8

Ti mɔk parcheenn ki summan tin nyi gbanant na nie ki kun ti Yomdaanɔ boor ni.

Filipi teeb 1:19

kimaan n mi nan i Yenmiaru nan i sommir nba nyi Yisa Masia Seyeeŋ boor ni na paak, n sa nyi dansarik na niwa.

1 Timoti 5:1

A daa yakii nan jakpersɔɔ, ŋaan pak turɔ kaman nan a mɔŋ mɔŋ baa na, kii dia naasimm kaman nan a mɔŋ mɔŋ ninjamm na,

1 Timoti 5:19

Tɔn, bi-i paan saakasɔɔ barii, a daa te ki a baka be li ni, nɔkira siara damm teen niib bannlee amii bin gar nna.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Taitus 1:5

N din te ki a biar Kreet tiŋ ni ma a ŋamm bonsiar kur nba kpaa talase, ki bia gann Masiaweira saakab doo kur ni kaman nan ma din wanna biaŋinba na;

Filemonn 1:9

ŋaan loomm paak ki n meia, min Pɔɔl nba tee saakɔɔ ki bia kɔɔ dansarik mɔtana Yisa Masia paak na,

Hiibru teeb 12:1

Binba na kur tee siaradamme ki lintit. Li paak, yi ŋaan ki tin yabir ki fok lu linba kur sa gɔɔrit Masia sɔnu ni, nan biit nba sa soorit; yi ŋaan man ki tii di sukuru ki gbaa gbaar nba yaa lin baarit na.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

1 Piita 1:7

Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

2 Jɔɔnn 1:1

Min Jɔɔnn nba tee Masiaweira saakɔɔ nee, sɔbin gbouŋ na ki teen fin nba tee n niipoo nba ki Yennu gannɔ na, nan a waas. N looni nan barmɔnii, ŋaan li bia ki tee min kuukɔɔ kaa looniini. Binba kur mun saak Yennu barmɔnii maŋ wannu, bi mun bia looni nnee.

3 Jɔɔnn 1:1

Min Jɔɔnn nba tee Masiaweira saakɔɔ nee, sɔbin gbouŋ na ki teen n yɔɔk fin Gaius, fin nba ki n nian nan mɔnii.

Fiitu 1:9

Tɔn, min Jɔɔnn wunba tee i naa bik ki taan nani ki di fara nan sukuru Yisa paak, ma din lin ki mɔɔntir Yennu maan, nan Yisa barŋanii, ki bi din jiin ki saan nanin Patmos tiŋ nba ki nyun lintir na ni.