1 Piita 4:4 - Yennu Gbounpaauŋ Mɔɔr

⁴ Ŋaan mɔtana, ya ji ki waab ki tuun li toonbiit na, li bakitibe, ki bi ji biir i sana.

Yennu Gbouŋ Mɔɔr

⁴ Ŋaan mɔtana, yaa ki waab ki tuun li toonbiit na, li gbatibe, ki bi ji biir i sana.

1 Piita 4:4 ပူးပေါင်းရင်းမြစ်များ

Matiu 23:25

“Yimm sennu wannteeb nan Farisiinba nba tee kpinkpannii damm na, li sii bi i paak, kimaan i sokii nyunyuŋmanii nan senii poorpoe, ŋaan ki nɔɔk ni gbee nan fatu nan jawuuk.

Barŋanii nba ki LUK din sɔb nae na 15:13

Ŋanne li ki yukiri ki waarɔ po na jii u mɔkint kur ki yaat saan digbann banfɔkira.

Toona 13:45

Juu teeb nba din la nigbouŋ tikii na, ki bi fiin punpona, ki piak biir Pɔɔl wannu, ki bia sukiiɔ.

Toona 18:6

Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

Efesus teeb 5:18

I daa nyu daan ki yibi; ŋann sa biirie, ŋaan yii yabir i mɔŋ paak kii gbee nan Yennu Seyeeŋ.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.

2 Piita 2:12

Li nibooru ki mi malakanba nba be biaŋinba, ŋaan sukiib. Niib maŋ ki mɔk dudukiti; bi tuun linba ki bi loon, ki naan nan muuk ni bonkobibiit nba ki niib tuu soorib ki kpib nee. Bi mɔŋ toonbiite sa mantik biirib;

2 Piita 2:22

Bi tuun gbeent barjokit nba yet biaŋinba nee a “Bɔke tuu ŋmat ki di u mɔŋ siit,” ki “Doorik-i wuur nyun ŋaan u tuu ŋmat ki gbar u mɔŋ nan bakire.”

Juud 1:10

Ŋaan niib na ŋanin sukii bont kur nba ki bi ki bann li paake, ŋaan tuun linba kur ki bi loon kaman nan bonkobit nba ki mɔk dudukit na, ki biir bi mɔŋ.