1 Piita 4:3 - Yennu Gbounpaauŋ Mɔɔr

³ Yoo nba gar, i din jii i yoo ki tuun toonbiit bonchiann; i din tuun i mɔŋ loonbiite, ki nyu daan ki yib, ki di diina ki mɔk fuut, ki tikii leeb danyuboa, ki mann pata, ki tuun kaman nan binba ki tee Masiaweira na nba loon bii tuun biaŋinba.

Yennu Gbouŋ Mɔɔr

³ Yoo nba gar, i din jii i yoo ki tuun toonbiite. I din tuun i mɔŋ loonbiite, ki nyu daan yib, ki di diina ki mɔk fuut, ki tikii leeb danyuboa, ki mann pata, ki tuun nan binba ki tee Masiaweira na nba loon biaŋinba na.

1 Piita 4:3 ပူးပေါင်းရင်းမြစ်များ

Barŋanii nba ki MAK din sɔb nae na 7:22

nan bonchonchonn toona, nan nianchiauŋ nan biitbooru booru nan faak faaru, nan toon-yana, nan funfunn, nan sanjaauŋ, nan karinbaanii, nan jat toona.

Toona 17:30

Yoo nba din gar, ki niib ki mi Yennu na, u din ki jii bi biiti. Ŋaan mɔtana u beer a sɔɔ kur-n nyik u biit,

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

1 Korint teeb 12:2

I mi nan yoo nba ki i daa din ki teen Masia yada na, i din lin waa patae, linba ki piaki, ki kɔɔnti bonbiir ni.

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

2 Korint teeb 12:21

n bia mɔk jijeet nan Yennu sa te ki n di fei i paak; ki n par sa biir i siab bonchiann paak, kimaan bi poŋ tun toonbiit, nan jakint toona, nan bonchonchonn toona, ki ji ki tiin fei, ki bia ki nyik bi biit maŋi.

Galasia teeb 5:19

Nisaarik binbeŋ nba want li mɔŋ linba ni tee bonchonchonn toonae, nan jakint toona, nan lanmiok toona,

Galasia teeb 5:21

nan punponn, nan dayibu, nan bandakir, ki bia jii bonlia nba naan nna ki pukin; n ji beeri kaman nan ma poŋ beti biaŋinba na, binba tuun linba na kan mi di Yennu naami.

Efesus teeb 5:18

I daa nyu daan ki yibi; ŋann sa biirie, ŋaan yii yabir i mɔŋ paak kii gbee nan Yennu Seyeeŋ.

1 Tesalonika teeb 4:5

ki daa tuun nna nan nianbiiuk binbeŋ kaman nan binba ki mi Yennu nba be biaŋinba na.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

1 Piita 1:14

I sak Yennu mɔb man, ki ji daa waa loonbiit nba ki i din waa yoo nba ki i din ki mi Yisa Masia na.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.