1 Piita 4:14 - Yennu Gbounpaauŋ Mɔɔr

¹⁴ Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann be i ni.

Yennu Gbouŋ Mɔɔr

¹⁴ Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann na be i ni.

1 Piita 4:14 ပူးပေါင်းရင်းမြစ်များ

Matiu 5:11

“Niib-i sukii-i, ki mukisi, ki fa faakboorii boorii kur ki biiri, kimaan ya tee n poorpoweiteeb na paak, parpeenn tee i yare.

Matiu 5:16

Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

Barŋanii nba ki LUK din sɔb nae na 6:22

“Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Jɔɔnn 15:21

Bi set sa mukisiiwa, kimaan ya tee n yab na, ki jenna, ba ki mi Yennu wunba tumin na paak.

Jɔɔnn 8:48

Ŋanne ki Juu teeb na jiin ki yet Yisa a “Ta yet ki yaa a tee Samaria nirɔ, ki narinbiiuk bia be a ni na, li ki tokinii?”

Jɔɔnn 9:28

Ŋanne ki bi wutoor ji doo, ki bi sukiiɔ, ŋaan betɔ a “Fine tee nirɔ maŋ poorpoweitɔɔ, ŋaan timm ŋarin tee Moses poorpoweiteebe.

Jɔɔnn 9:34

Ki bi jiin ki yetɔ a “Fin nba ki bi mara nan biit na po, a tee ŋmee ki want timmi?” Ki bi nyinnɔ bi Yenjiantu ni.

Toona 13:45

Juu teeb nba din la nigbouŋ tikii na, ki bi fiin punpona, ki piak biir Pɔɔl wannu, ki bia sukiiɔ.

Toona 18:6

Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Toona 28:22

Ŋaan ti sii loon ki tin bann a dudukit ni. Ti poŋ mi nan siar po kura, niib bonchiann piak ki biir jiantu nba ki a jiantir na.”

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

2 Korint teeb 12:10

Li-i tee Masia paak ki n di butuŋ, ki laat sukit, ki di fara nan muksuk, ki laat barii, n mɔk parpeenn, kimaan mi-i taŋŋi kii mɔk n tiauŋ paŋ yoonba na, li yooe ki n laat Masia paŋ.

2 Korint teeb 4:10

Yisa kuun na be ti gbanant ni yoo kur, a lin te ki u manfoor na-n mun nyi paanu ti gbanant ni.

2 Korint teeb 4:16

Li paake te ki ti ki mɔk kpinkpangbatuku; hali nan ti gbananchɔkint maŋ nɔɔk ni gbaa, ŋaan Yennu pantir ti seek daar-n tuu daar.

Galasia teeb 1:24

Ki bi din piak Yennu n paak linba na po.

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

Jeems 5:11

Li nibooru nba mɔk sukuru na, ti yib parpeenn damme. I poŋ gbat Job nba din tan mɔk sukuru biaŋinba na, ki li poorpo ki Yennu din tan nyinnɔ u fara ni. Li want Yennu nba mɔk ninbatinu ki tinit ninbaauk biaŋinbae.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 3:14

Ŋaan li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, i bia daa te ki li daamiini.

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.

1 Piita 4:16

ŋaan fi-i di fara fa tee Masiaweirɔ na paak, a daa tiin fei, ŋaan dont Yennu, Masia sann paak.

2 Piita 2:2

Niib bonchiann sa weib ki mun tuun bi mɔŋ loonbiit tumu. Bi paak ki niib sa fiak barmɔnii sɔnu na.