1 Piita 4:11 - Yennu Gbounpaauŋ Mɔɔr

¹¹ Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

Yennu Gbouŋ Mɔɔr

¹¹ Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.

1 Piita 4:11 ပူးပေါင်းရင်းမြစ်များ

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Jɔɔnn 13:31

Judas nba din nyii na poorpo, ki Yisa bet u poorpoweiteeb a “Mɔtanae ki min nisaarik Bik sa la dontir, ki n nie Yennu mun sa la dontir biak.

Toona 7:38

“Li bia din tee Moses maŋe din be nan ti niib Israel teeb lakinu ni, muuk ni na. Leŋe ki u din tan doo Sainai jɔɔr paak, ki saa be nan Yennu malaka, ki malaka maŋ din piak ki teen Moses, a Moses-n sɔkin tur ti yejamm Israel teeb. Li yooe ki Moses din gaar Yennu manfoor maan ki tur ti yejamm nan timm.

Rom Teeb 11:36

Yennue din nan bonsiar kur, ki dia li kura, ki u paake ki li kur be. Ŋaant ki wun la paku yoo nba kaa gbennu. Mɔmɔmm.

Rom Teeb 12:3

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

Rom Teeb 16:27

ŋɔɔ Yennu kuukɔɔe tee yandaanɔ na; niib kur-n pakɔ mɔkmɔk nan yoo nba kaa gbennu, Yisa Masia sann paak. Mɔmɔmm.

Rom Teeb 3:2

Li mɔk nyɔɔt bonchiann. Sinsinn tee Yennu din jii u sennu mɔbona na ki guun Juu teebe;

1 Korint teeb 10:31

Tɔn, li-i tee ki i di, amii ki i nyu bonnyunyuut, amii ki i tuun linba kur, yii tee man linba sa tur Yennu baakir.

1 Korint teeb 12:4

Seyeeŋ piinbooru booru be, ŋaan Seyeeŋ yenɔkɔɔe be.

1 Korint teeb 3:10

Yennu nba sommin biaŋinba na paak, n tee kaman nan tanmaaŋanɔ nee, ki piin fiakir, ki sɔɔ mun maa ki tɔɔnt li paak. Ŋaan wunba kur maa ki tɔɔnt li paak, wun soor u mɔŋ.

1 Korint teeb 6:20

u daaie; li paak, yii jii i gbanant kii tuun linba sii dont u sann.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

2 Korint teeb 9:13

Li-i tee ki i sommitib, ŋanne sa wannib nan i set gaar Masia barŋanii ki sakira, ki i nuu tian ki i chentir namm nan niib kur ya mɔk linba. Ŋanne sa te ki bin dont Yennu sann,

Efesus teeb 1:19

ki bia bann wa tuun toonjaana nba teen timm nba teenɔ yada na.

Efesus teeb 4:29

I daa piak mɔbonbiit ki teen i leebi, ŋaan te ki i mɔbona-ii tee linba kpaa talas ki mɔk nyɔɔt, ki i leeb-i gbat, lin pukimm binbeŋ nba fan.

Efesus teeb 5:20

Yoo kur yii teen ti Baa Yennu niipoouk bonsiar kur paak, ti Yomdaanɔ Yisa Masia sann ni.

Efesus teeb 6:10

Linba joont tee nnee, yii chee i para ti Yomdaanɔ ni, kii mɔk yabint paŋ nba ki u turi na.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Kolosa teeb 4:6

Li kpaa talas ki i mɔbona-ii man, kii mɔk baakir, ki yii mi biaŋinba ki i sa gat buboit ki lii took ki tur sɔɔ kura.

1 Tesalonika teeb 2:4

ŋaan ti mɔɔntir kaman nan Yennu nba loon tii mɔɔntir u maan biaŋinbae, kimaan u poŋ la ki ti jaŋ nan tin dia barŋanii maŋ. Li paak, ti ki mɔɔntir ki pent nisaarik par ni kaa, ŋaan ti pent Yennu nba bikii ti dudukit na par nie.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

1 Timoti 6:16

ŋɔɔ kuukɔɔe kan kpo; u be yentchiauŋ nba ki nirɔ kan fit nakin ni; ŋɔɔe ki nisɔɔ daa ki mi lau amii ki sa fit lau; ŋɔɔe yen paku nan paŋ yoo nba kaa gbennu. Mɔmɔmm.

Taitus 2:1

Ŋaan fin-ii want linba tee wannmɔnu.

Taitus 2:15

Wantib linba na kura, kii cheen bi para, kii kpaanib Yennu nba tura yudant biaŋinba na; sɔɔ daa goriia yanni.

Hiibru teeb 13:7

I tian man i yudamm nba din tuu piak Yennu maan ki teeni na po; ki yii dukii bi binbeŋ nyɔɔt nba tee biaŋinba ki yii tokii bi yada.

Hiibru teeb 5:12

Nna yoo li ji bo kpaa talase ki yii tee wannteeb, ŋaan i bia loon ki sɔɔ-n wanni Yennu mɔmaan pinpiik ni sɔnii na. I bia daa ŋan nan biime, i ki jaŋ nan jeŋmankati,

Jeems 1:19

N naa waas, n loon yin bann nee; yii gbiintir yian, ŋaan kii mi biaŋinba ki i piak, ki bia daa dont wutoor yian yiami,

Jeems 1:26

Wunba mi nan u tee Yisaweirɔ ŋaan ki ki so u mɔbi, li daanɔ kpann u mɔŋe. Li want nan u waanu na tee yanne.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

1 Piita 4:10

Sɔɔ kur nan wa gaar yan nba nyii Yennu boore, i diar fanu ki jii yan maŋ ki somm i leeb.

1 Piita 4:16

ŋaan fi-i di fara fa tee Masiaweirɔ na paak, a daa tiin fei, ŋaan dont Yennu, Masia sann paak.

1 Piita 5:11

Ŋɔɔe sii mɔk paŋ kura mɔkmɔk nan yoo nba kaa gbennu. Mɔmɔmm.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.