1 Piita 3:9 - Yennu Gbounpaauŋ Mɔɔr

⁹ I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.

Yennu Gbouŋ Mɔɔr

⁹ I daa tuun biit ki jiint biit paaki, i bia daa sukii ki jiint wunba sukii-i, ŋaan jiinɔ a “Yennu n teen piisin a paak,” kimaan Yennu din yiini a yin gaar piisime.

1 Piita 3:9 ပူးပေါင်းရင်းမြစ်များ

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Matiu 5:39

ŋaan min ŋanin beerie la, nan i daa jiint leeb pana; sɔɔ-i peb a tanpak a nuudiitu po kpianu, fan ŋmant a gaŋ po mun ki wun peb;

Matiu 5:44

ŋaan min ŋanin beerie la, nan yii loon man i datai mun, kii yeen wunba sukii-i na a ‘Yennu mɔsonŋann-ii be a paak;’ kii tuun linba ŋan kii teen binba nami; kii mei Yennu kii teen binba dinti fara na.

Barŋanii nba ki MAK din sɔb nae na 10:17

Yisa nba din nyii leŋ ki saa maŋ, ki jasɔɔ tin ki chetɔ ki tan gbaan u tɔɔnn ni, ŋaan boiɔ a “Wanntɔŋanɔ, n sa teen nlee ki tan la manfoor nba kaa gbennu?”

Barŋanii nba ki LUK din sɔb nae na 10:25

Li poorpo ki sennu wanntɔsɔɔ din fiir ki set ki loon wun bikin Yisa ki boiɔ a “Wanntɔɔ, n sa teen nlee ki la manfoor nba kaa gbennu?”

Barŋanii nba ki LUK din sɔb nae na 18:18

Li yoo na ki yudaansɔɔ din baar Yisa boor ni ki tan boiɔ, “Wanntɔŋanɔ, n sa teen nlee ki tan la manfoor nba kaa gbennu?”

Rom Teeb 12:14

Binba mukisi, yin jiimm a “Yennu mɔsonŋann-ii be i paak.” Mɔmɔmm, yii jiimm nna, i daa teemm mɔpor gbaa.

Rom Teeb 12:17

I daa tuun biit ki jiint biit paaki; kotir i mɔŋ kii tuun linba ki niib kur sa la ki li ŋan.

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

Rom Teeb 8:30

Ki Yennu yiin binba ki u senn na, ki binba ki u yiimm na ki u yet a bi tee niŋamm u boor, ki binba ki u yet a bi tee niŋamm u boor na, ki u donnib.

Galasia teeb 3:14

Yisa Masia din tun linba na a ŋɔɔ yaa paak ki binba ki tee Juu teeb-n mun la mɔsonŋann nba ki Yennu din senn Abraham paak; a ti-i teen yada tin gaar Seyeeŋ nba ki Yennu din senn mɔsonn a wun turit na.

Efesus teeb 4:32

Yii tee burchimm nan ninkpabauŋ damm man i leeb boor. Yii nyikit leeb biit kii chabitib kaman nan Yennu nba nyikit i yara ki chabiti biaŋinba Masia paak na.

1 Tesalonika teeb 5:15

I kpan daa tuun biit ki jiint biit paaki, ŋaan yii te ki lii tee i lor yoo kur nan yin tun linba ŋan ki tur i leeb nan sɔɔ kur man.

Hiibru teeb 12:17

I mi nan li poorpo u din tan loon wun gaar u baa mɔsonŋann ki mɔ nan ninnyuut ŋaan la yêtu, kimaan u ji din ki la sɔnu nba ki u sa teen ki lebit wa poŋ din biir linba na.

Hiibru teeb 6:14

U din yetɔ a “Li tee barmɔniie, n senn mɔsonŋann a paak ki bia sa tura yaaboona bonchiann.”

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.