1 Piita 3:8 - Yennu Gbounpaauŋ Mɔɔr

⁸ Linba biar na tee nnee; i kur-ii mɔk man dudukyenn, ki i baka-ii be i leeb ni, kii mɔk loomm nan Masiaweira, kii tiin i leeb ninbaauk, kii sikint i mɔŋ.

Yennu Gbouŋ Mɔɔr

⁸ Linba biar tee nnae; i kur-ii mɔk dudukyenn man, ki i baka-ii be i leeb ni, kii mɔk lomm nan Masiaweira, kii tiin i leeb ninbaauk, kii sikint i mɔŋ.

1 Piita 3:8 ပူးပေါင်းရင်းမြစ်များ

Matiu 18:33

Li mun bo ŋan nan fan chab a lɔɔ na ki tinɔ ninbaauk, kaman nan ma bo chab fin biaŋinba na.’

Barŋanii nba ki LUK din sɔb nae na 10:33

Ŋanne ki Samaria jasɔɔ mun din tɔk li sɔnu ki baat ki tan dɔkit jɔɔ maŋ paak ki lau, ki ninbaauk soorɔ bonchiann,

Toona 2:1

Tɔn, jaamm nba ki bi yir Pentekost daare baar; daar maŋe ki Yisaweira kura lakin taan leeb boyennkɔɔ ni.

Toona 27:3

Ki li tan yent sanyiɔk ni, ki ti baar Saidon. Ki lanjimanba saakɔɔ Julius din dia Pɔɔl fanu, ki din chabɔ a wun saan Yisaweira nba be leŋ na peŋ, ki bii teeu saantuk.

Toona 28:7

Leŋ bia din ki fɔk nan Publius kpaant nba be na. Ŋɔɔe bia din tee tiŋ maŋ ni bat. Ki u din gaarit saantuk ki saa jaŋ damunjaa ŋanntaa.

Toona 4:32

Li yoo na ki Yisaweira maŋ kura taan leeb nan dudukyent kuukɔɔ, ki chentir bi bona ki teen bi leeb. Bi sɔɔ din ki yaa a u yen siar nan u mɔŋi.

Rom Teeb 12:10

I loon leeb man bonŋann kaman nan nirɔ nan u naa bik nba tuu loon leeb biaŋinba na, ki kot kii baakit leeb;

Rom Teeb 15:5

Yennu nba teent sukuru ki sommit na, wun turi dudukyennkɔɔ kaman nan Yisa Masia nba loon biaŋinba;

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 12:26

Gbananbɔka yennkɔɔ-i di fara, gbananbɔka lia na mun tuu di li farae; gbananbɔka yennkɔɔ-i la baakir, lia na mun tuu mɔk parpeenne.

Efesus teeb 4:2

Yii sikint i mɔŋ, kii be soonna nan sukuru, kii mɔk yandiŋir nan i leeb, nan loomm.

Efesus teeb 4:31

Yi nyik tonu binbeŋ kur, nan wutoor. Sɔɔ ji daa mɔk kunkɔnchiauŋ nan u lɔɔ, sɔɔ daa sukii u lɔɔ, ki bia nyik naŋ dudukit kura i ni.

Efesus teeb 4:32

Yii tee burchimm nan ninkpabauŋ damm man i leeb boor. Yii nyikit leeb biit kii chabitib kaman nan Yennu nba nyikit i yara ki chabiti biaŋinba Masia paak na.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

Filipi teeb 3:16

Ŋaant man ki tii dia barmɔnii kuukɔɔ kaman nan ta din dia biaŋinba nan mɔtana na.

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

Hiibru teeb 13:1

Ya tee Masia niib na paak, i loon i leeb man yoo kur.

Jeems 2:13

Binba ki tin bi leeb ninbaauk, Yennu sa bu bi buut ki kan tinib ninbaauku; ŋaan ki ninbatinue nyant tubdatu.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Jeems 5:11

Li nibooru nba mɔk sukuru na, ti yib parpeenn damme. I poŋ gbat Job nba din tan mɔk sukuru biaŋinba na, ki li poorpo ki Yennu din tan nyinnɔ u fara ni. Li want Yennu nba mɔk ninbatinu ki tinit ninbaauk biaŋinbae.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 2:17

Yii teen sɔɔ kur nibaakir, kii loon Masiaweira, ŋaan tin Yennu, kii teen yent kur daanɔ nibaakir.

1 Piita 5:5

Nnee mun, yimm nba tee nipaauŋ, yii saak saakab mɔi; ki i kur-ii gaan leeb mɔi, ki i kur-n teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

2 Piita 1:7

ki bia pukin naataann i yentinu maŋ paak; ki bia pukin loomm i naataann maŋ paak.

1 Jɔɔnn 3:14

Ta loon ti naa walees na, ŋannii want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li loonbooru, ŋɔɔ ŋarin biar be kuun paŋ nie.