1 Piita 3:21 - Yennu Gbounpaauŋ Mɔɔr

²¹ Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.

Yennu Gbouŋ Mɔɔr

²¹ Nyun maŋe tee Yennu nyunwuru ninnauŋ nba tinnit mɔtana; li ki tee ti gbanant paak wuru kaa, ŋaan li tee taa mei Yennu a wun wuur ti para, Yiisa Masia kuunfiiru na paake.

1 Piita 3:21 ပူးပေါင်းရင်းမြစ်များ

Matiu 28:19

Li paak, i saa man tingbouŋ na ni, nibooru kura boor ni, ki saa teemm n poorpoweiteeb, ki wurib Yennu nyunwuru, n Baa Yennu sann ni, nan min u Bija sann ni, nan Seyeeŋ sann ni,

Barŋanii nba ki MAK din sɔb nae na 16:16

Wunba kur teenin yada, ki bi wurɔ Yennu nyunwuru, u sa la tinnu; ŋaan wunba kur ki teenin yada, Yennu sa bu u buut ki biirɔwa.

Jɔɔnn 13:9

Ŋanne jik ki Simon Piita betɔ a “N Yomdaanɔ, daa fobitir n taa kuukɔɔ kaa, ŋaan fobitir n nii nan n yur kura.”

Toona 16:33

Li yoo maŋ nyiɔk na, ki u jiib ki wuur bi fiat na. Li poorpoe ki bi wur ŋɔɔ nan u ŋaateeb na kura Yennu nyunwuru.

Toona 2:38

Ki Piita betib a “See ki i kura-n nyik i biit, ki tin wuri Yennu nyunwuru nan Yisa Masia sann ni, ki Yennu-n nyik i biit ki chabi, ki sa turi u piinii nba tee u Seyeeŋ na;

Toona 22:16

Li paak ki a ji kar ki guu bia? Fiit, ki n wura Yennu nyunwuru, ki Yennu sa nyik chab a toonbiit, fa sii yi Yisa sann na paak.’

Toona 8:36

Ba tɔk sɔnu maŋ ki siik yoonba, ki bi la nyun nna dɔɔ. Ki jatɔɔkir na yetɔ a “Gotir, nyume na. A bee yaa lin teen ki a kan wurin Yennu nyunwuru?”

Toona 8:37

Ki Filip yetɔ a “Li-i tee ki a teen Yisa yada nan a par kura, n sa wurawa.” Ki u jiin a “N teen yada nan Yisa Masia tee Yennu Bijae.”

Rom Teeb 5:14

Adam yoo neewa ki tan tuu Moses yoo, ki kuun lek mɔk yikoo sɔɔ kur paak, ki li kpi binba mɔk biit nba ki tee kaman nan Adam biit nba din tee biaŋinba na. Tɔn, Adam din tee wunba din yaa wun wei poor na ninnauŋo.

1 Korint teeb 12:13

Ti kura nba tee Juu teeb, nan binba ki tee Juu teebi, nan daaba, nan yentinmɔŋ damm, bi wur ti kur Yennu nyunwuru u Seyeeŋ yenɔkɔɔ sann ni a ti taan teen gbananyennkɔɔ; ki li Seyeeŋ yenɔkɔɔ maŋ bia gbeen ti kura.

1 Korint teeb 4:6

N naa waas, i paake ki n bikin linba na kur ki tur n mɔŋ nan Apolos, a i tumii ti boor ki wei Yennu gbouŋ nba wann biaŋinba na bonŋann, ki sɔɔ daa dont u mɔŋ ti yenɔkɔɔ paak ki gar u lɔɔ.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

Galasia teeb 3:27

Yimm nba ki bi din wuri Yennu nyunwuru Masia sann ni na, yimme gaar u mɔŋ mɔŋ binbeŋ.

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

Kolosa teeb 2:12

kimaan ba din wuri Yennu nyunwuru yoonba na i din pukin Masia poe ki bi pii-i, ki i bia fiir nanɔ nyunwuru maŋ ni, i yada nba be Yennu paŋ toona nba din fiin Masia kuun ni na paak.

1 Timoti 1:5

Ŋaan n kpaanii maŋ paak tee a lin fiin loomm nan popeenn nan dudukŋant nan yada nan mɔnii.

1 Timoti 6:12

Yabit a mɔŋ kii waa yada sɔnu nan nunmɔnn, kii mɔk manfoor nba kaa gbennu; ki Yennu din yiina ki a gaar manfoor maŋ yoo nba ki a din nyinn a mɔŋ siarŋann niib bonchiann numm ni na.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 11:19

Ki Abraham ji din bann nan Yennu fit fiint niib kuun ni; ki li set din tee kaman nan Abraham din gaar Aisak kuun nie.

Hiibru teeb 13:18

I mei Yennu man ti paak. Ti ki mɔk dudukbisiat ti toona ni, kimaan ti loon tin tun linba tooke yoo kur.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Hiibru teeb 9:24

Nifosaarik nba din ŋammir boor nba tee Yennu yar ki nannir kaman nan Yendɔuŋ ni bont nba tee li barmɔnii na, ki Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn ti paak na.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.