1 Piita 3:20 - Yennu Gbounpaauŋ Mɔɔr

²⁰ ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

Yennu Gbouŋ Mɔɔr

²⁰ ŋamme din tee niib nba ki sak Yennu mɔb, yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋaringbeŋir; ki niib banniin kuukɔɔ din kɔɔ ŋaruŋ maŋ ki tinn nyun ni na.

1 Piita 3:20 ပူးပေါင်းရင်းမြစ်များ

Matiu 7:14

Ki manfoor tammɔb na ŋanin tee bonyebike, ki li sɔnu bia paar nan sommir; ki niib waaminne kɔɔ tammɔb maŋ ni.

Barŋanii nba ki LUK din sɔb nae na 12:32

“N niib nba ki yab na, i daa tiin jaŋmaanii, kimaan i Baa Yennu yaa wun turi naan maŋ, ki bia mɔk parpeenn nan wa sa turi na paak.

Toona 2:41

Ki bi siab bonchiann din sak u maan maŋ, kaman nan niib tusa ŋanntaa na, ki bi wurib Yennu nyunwuru, ki bi pukin bi paak li daar maŋ.

Rom Teeb 9:22

Nnee ki Yennu tun ki loon wun wann u wutoor ki niib kura-n bann u paŋ. Li paak ki u mɔk mintir nan binba ki u wutoor sa baar bi paak ki li bo jaŋ nan wun biirib na;

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 1:9

Ya teenɔ yada na, li paak i la tinnuwa.

1 Piita 2:25

I din tuu tee kaman nan pebotkai nee, ŋaan mɔtana i jen i kpaarik wunba guu i sei na boora.

1 Piita 3:19

Li Seyeeŋ nie ki u din saan sei nba kɔɔ sarik kpeentiŋ na boor, ki saa mɔɔnt Yennu maan ki turib;

1 Piita 4:19

Li paak, binba di fara Yennu loomm paak na, bii tuun toonŋana, ki jii bi mɔŋ ki pet tur bi nantɔɔ Yennu nba tee barmɔnii daanɔ na.

2 Piita 2:5

Nnee biak, u din ki nyik yaayoo ni tingbouŋ niib na. U din te ki nyume dii tingbouŋ maŋ, ki kpii binba kur ki tiinɔ na, ŋaan tinn Nowa, wunba din mɔɔntir Yenweiu po, ki din tinn u ŋaateeb bannlore ki pukin u paak.

2 Piita 3:15

Ti Yomdaanɔ nba di sukuru ki daa ki jen mɔtana na, u loon ki yin bann nan u teen niibe yaak a bin la tinnu sinsinn na ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, kaman nan Yennu nba turɔ yan ki u dia biaŋinba.