1 Piita 3:18 - Yennu Gbounpaauŋ Mɔɔr

¹⁸ kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

Yennu Gbouŋ Mɔɔr

¹⁸ kimaan Masia din gaar timm biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiiu, ŋaan ki u bia fiir kuun ni, Yennu Seyeeŋ paŋ ni.

1 Piita 3:18 ပူးပေါင်းရင်းမြစ်များ

Matiu 27:19

Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nifopeemɔ na maan ni, kimaan nyiɔk na n won la daamuk bonchiann n daamiit ni u paak.”

Matiu 27:24

Pailat nba bann nan u piak saa li kaa nyɔɔti, ki bia saa baar nan dataar mɔyêtuk na, ki u jii nyun ki wuur wuur u nii, niib na ninbina ni, ŋaan yet a “N nuu kaa jɔɔ nba kaa biit na sɔn nyinnu ni. I maame nawa!”

Jɔɔnn 16:10

Ki jenna, u sa wannib yentinu nba tee biaŋinba, kimaan n sa saan n Baa Yennu boor, ki bi ji kan lami.

Toona 22:14

Ki u betin a ‘Yennu nba tee ti yejamm Yennu na poŋ ganna a a bann u yanbɔɔtoona, a ki bia la popeendaanɔ Masia, a ki bia gbat u mɔŋ mɔŋ kunkɔr,

Toona 3:14

Ŋɔɔe lek tee Yennu nirɔ, ki bia jenna tee Popeendaanɔ, ŋaan ki i lek yêtɔ, ŋaan bia miar Pailat a wun nyinn nikpiiruk ki turi.

Rom Teeb 1:4

ki Yennu Seyeeŋ din wann nan paŋ nan u set tee Yennu Bija u kuunfiiru paake.

Rom Teeb 4:25

Ŋɔɔe din jii Yisa ki chab ki u kpo ti toonbiit paak, ŋaan bia fiinɔ kuun ni, a wun te ki tii tee niŋamm u tɔɔnn.

Rom Teeb 5:2

U paake ki Yennu tint ninbaauk ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu sa turit na.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

2 Korint teeb 1:24

Ti kan fit mukisi ki wanni ya sa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti ya sa teen biaŋinbae kii mɔk parpeenn.

2 Korint teeb 13:4

U din jii u paŋ maŋe ki bakin bir ŋaan din sak ki bi kpaau dapunpunn paak. Mɔtana, Yennu paŋ paak ki u be u manfoor ni. Mɔtana, timm nba lakin be u ni na, ti ki mɔk paŋi, ŋaan ta lakin taan nanɔ na paak, ti mun mɔk manfoor Yennu paŋ paake, ki fit jii li paŋ ki wanni.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Efesus teeb 3:12

Ta teen Masia yada ki be u ni na, li paak, ki ti mɔk yuugontir ki sa baar Yennu boor nan parcheenn.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

Jeems 5:6

I din piak ki biir popeendamme ki kpib, ŋaan bi ki kɔn nani.

1 Piita 3:19

Li Seyeeŋ nie ki u din saan sei nba kɔɔ sarik kpeentiŋ na boor, ki saa mɔɔnt Yennu maan ki turib;

1 Piita 4:1

Masia nba din dii fara ti paak na, i mun chee i para kii dukii nna, kimaan wunba dii gbanant fara, u nyii toonbiit tumu niwa.

1 Piita 4:6

Ŋanne teen ki bi din mɔɔnt Masia barŋanii ki tur binba kpo na gbaa; bi lek din kpo kaman nan sɔɔ kur nba kpenn biaŋinba nee; bi din mɔɔnt barŋanii maŋe ki turib a bin la yaak kii mɔk manfoa bi sei ni, Yennu paak.

1 Jɔɔnn 1:9

Ŋaan ti-i yɔɔ nyint ti toonbiit ki teen Yennu, tii mi nan u sii nyikit chabit ti toonbiit, ki bia yentir ti para ni biit kur, kimaan u tee barmɔnii daanɔ ki bia tee popeendaanɔ.