1 Piita 3:15 - Yennu Gbounpaauŋ Mɔɔr

¹⁵ Tinin ti Yomdaanɔ Masia i para ni; yoo kur, i teen siir ki jiin wunba boi-i ya mɔk dindann biaŋinba na po.

Yennu Gbouŋ Mɔɔr

¹⁵ Tinin ti Yomdaanɔ Masia i para ni. Ii teen siir yoo kur ki jiin wunba boi-i yaa mɔk dindann nba na po.

1 Piita 3:15 ပူးပေါင်းရင်းမြစ်များ

Toona 21:39

Ki Pɔɔl jiin a “N tee Juu nirɔe, ŋaan bi marin Tasus nba be Silisia yakir nie. N poŋ tee digbangbeŋŋir ni nirɔe. N barimae, ŋaant ki n pak ki tur niib na.”

Toona 24:25

Tɔn, Pɔɔl nba piak ki want yentinu nan mɔŋdianu nan buut daar baaru po yoonba, ki jaŋmaanii ji soor Fiiliks, ki u yet a “Mɔtana, i daa kii saa, ŋaan li-i tee ki n la yaak, n bia sa ŋamm yiina.”

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

Kolosa teeb 1:5

kimaan pinpiik ni ya din gbat barmɔnii barŋanii yoonba, i din gbat bonŋana nba guui Yendɔuŋ ni na poe.

Kolosa teeb 4:6

Li kpaa talas ki i mɔbona-ii man, kii mɔk baakir, ki yii mi biaŋinba ki i sa gat buboit ki lii took ki tur sɔɔ kura.

Taitus 1:2

N mɔk dindann nan n sii mɔk manfoor nba kaa gbennu. Yennu nba ki mi fa faak na din senn mɔsonn yaayoo niwa a u sa turit manfoor maŋ,

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

1 Piita 1:17

Li-i tee ki i mei Yennu, i yiu Baae; ŋɔɔe bu niib kur buut kaman nan ba tun biaŋinba na, ki ningannii kaa; li paak, yoo nba kur ki i be tingbouŋ na ni, yii tiinɔ man.

1 Piita 3:2

kimaan bi-i la bi poob nba teen Yisa yada na binbeŋ ki li ŋan, bi mun sa teenɔ yadawa.

1 Piita 3:4

Ŋaant man ki i fant-ii tee soonna nan ŋminŋminn i para ni; ŋanne tee fant nba kan biiri, ki bia ŋan bonchiann Yennu boor ni.