1 Piita 3:14 - Yennu Gbounpaauŋ Mɔɔr

¹⁴ Ŋaan li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, i bia daa te ki li daamiini.

Yennu Gbouŋ Mɔɔr

¹⁴ Li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, ki bia daa te ki li daamiini.

1 Piita 3:14 ပူးပေါင်းရင်းမြစ်များ

Matiu 10:28

I daa tiin binba sa fit kpi i gbanant, ŋaan kan fit ki kpi i sei; ŋaan i tiin man Yennu wunba sa fit ki biir i gbanant nan i sei kura muu ni na.

Matiu 10:31

Li paak, i daa tiin jaŋmaanii, kimaan i mɔk nyɔɔt ki gar jinjera bonchiann.

Matiu 10:39

Wunba yaa ŋɔɔ dekii u manfoor tan sa kɔŋŋira, ŋaan wunba likin u saaŋmaŋ n paak, u tan sa la u manfoora.

Matiu 16:25

kimaan wunba ki saak wun jii u manfoor ki turin, ŋɔɔe tan sa kɔŋŋir, ŋaan wunba likin u saaŋmaŋ n paak, ŋɔɔe tan sa la u manfoor nan barmɔnii.

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Barŋanii nba ki MAK din sɔb nae na 10:29

Ki Yisa betib a “Barmɔniie ki n beeri na, wunba kur nyik u ŋaak, amii u ninjamm, amii u niipoob, amii u naanba, amii u baanba, amii u waas, amii u kpaant, n sann paak nan barŋanii na paak,

Barŋanii nba ki MAK din sɔb nae na 8:35

kimaan wunba ki saak wun jii u manfoor ki turin, ŋɔɔe tan sa kɔŋŋir, ŋaan wunba likin u saaŋmaŋ, min nan barŋanii na paak, ŋɔɔe tan sa la u manfoor nan barmɔnii.

Jɔɔnn 14:1

Li yoo na ki Yisa betib a “I daa mɔk parbiiri. Teent Yennu yada, ki mun teenin yada.

Jɔɔnn 14:27

“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Toona 9:16

ki n mɔŋ sa wannɔ muksuk nba kur ki u sa di n paak.”

2 Korint teeb 12:10

Li-i tee Masia paak ki n di butuŋ, ki laat sukit, ki di fara nan muksuk, ki laat barii, n mɔk parpeenn, kimaan mi-i taŋŋi kii mɔk n tiauŋ paŋ yoonba na, li yooe ki n laat Masia paŋ.

Filipi teeb 1:29

Ya poŋ mɔk yaak nan yin tun ki tur Masia na paak, ki li ki tee ya teenɔ yada na paak kuukɔɔ kaa, ŋaan ya bia di fara u paak na,

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

Jeems 5:11

Li nibooru nba mɔk sukuru na, ti yib parpeenn damme. I poŋ gbat Job nba din tan mɔk sukuru biaŋinba na, ki li poorpo ki Yennu din tan nyinnɔ u fara ni. Li want Yennu nba mɔk ninbatinu ki tinit ninbaauk biaŋinbae.

1 Piita 3:6

Nnee ki Sara din sak u sɔrɔ Abraham mɔb ki din yiu u yomdaanɔ. Li-i tee ki i tuun ki li ŋan, kii ki tiin siari, ŋann i tee Sara maŋ bonpoie.