1 Piita 2:9 - Yennu Gbounpaauŋ Mɔɔr

⁹ Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

Yennu Gbouŋ Mɔɔr

⁹ Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

1 Piita 2:9 ပူးပေါင်းရင်းမြစ်များ

Matiu 4:16

binba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Matiu 5:16

Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

Barŋanii nba ki LUK din sɔb nae na 1:79

ki li tan sa yent sanpaapo ki tur binba be bunbɔnn ni nan binba per kuun; ki li bia tan sa yent ti taa ni ki tin tɔkin parmaasir sanjouk ni.”

Jɔɔnn 17:19

Ki bi paake ki n jikit n mɔŋ ki teena na, a bin fit lian teen a tiauŋ yab nan barmɔnii.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Toona 26:28

Ki Bat Agripa jiin Pɔɔl a “Fin dukii mi a a pinpauk mintik na sa fit dakin ki n teen Yisaweirɔwa.”

Rom Teeb 9:24

Li tee timm nba ki u gann nee; ki li ki tee Juu teeb kuukɔɔ kaa, ŋaan li tee binba ki tee Juu teeb na mun biake.

1 Korint teeb 3:17

Li paak, wunba biir Yennu diiuk, Yennu mun sa biir li yɔɔwa. Kimaan Yennu diiuk tee diyeeŋe; ki yimme tee u diiuk maŋ.

Efesus teeb 1:14

Ŋanne tee siara nan ti tan sa la ti yiar Yennu boor, ki bia want nan u sa tur u niib yentinmɔŋ nan barmɔnii. Tii pakɔ kii dontir u sann man.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba na, nan wa tint ninbaauk u Bilonkak na paak.

Efesus teeb 3:21

ŋɔɔ Yennu tan sa la nibaakir Yisa Masia nan u weira paak, yoo kur nan yoo nba kaa gbennu. Mɔmɔmm.

Filipi teeb 3:14

Li paake te ki n tɔkin poot sɔnu maŋ ki tiin sunsonn saa nyannu bɔɔnu maŋ peŋ ma n sa gaar paauk nba tee sanpaapo manfoor ki Yennu din yiinin li paak Yisa Masia ni na.

Kolosa teeb 1:13

ki bia nyinnit Sintaanii bunbɔnn naan ni, ŋaan jiit nan laafia ki kɔɔnt u Bilonkak maŋ naan ni.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

Fiitu 1:6

ŋaan te ki ti tee u naan ni niib nba tee manteeb, a tin tun u Baa Yennu toonn; ŋɔɔe yen paku nan paŋ mɔkmɔk nan yoo nba kaa gbennu. Mɔmɔmm.

Fiitu 20:6

Binba dɔŋ sinsinn kuun fiiru na ni, bi tee popeendamm, ki parpeenn bia tee bi yare; kuun nba pukin munnlee na ki mɔk bi yikoo; bi sii tee Yennu nan Masia manteebe, ki sa lakin di naan nan Yisa bintusir.

Fiitu 5:10

A bia te ki bi tee a naan ni niib binba tee manteeb, a bin tun Yennu toona; ki bi sii yen tingbouŋ na teeb.”