1 Piita 2:6 - Yennu Gbounpaauŋ Mɔɔr

⁶ kimaan li sɔb Yennu gbouŋ ni a u yet a “Gotir, n gann tann ki bir Sion doo ni, ki li tee lɔtik ni tann, ki bia ŋan bonchiann, ki wunba kur teenɔ yada, u kan di fei.”

Yennu Gbouŋ Mɔɔr

⁶ kimaan li sɔb Yennu gbouŋ ni a: “Gotir, n gann tann ki bir Sayɔnn doo ni, ki li tee lɔtik ni tann, ki bia ŋan bonchiann, ki wunba kur teenɔ yada, u kan di fei.”

1 Piita 2:6 ပူးပေါင်းရင်းမြစ်များ

Matiu 12:18

“Gotir, ma gann n bik nbae na ŋɔɔe ki n mantik loonɔ na; n numm mantik gboouwa. N sa jii n Seyeeŋ ki teen u ni. U tan sa mɔɔnt buut bunu nba took ki tur binba ki tee Juu teebi.

Barŋanii nba ki MAK din sɔb nae na 12:10

I daa ki mi karin la sɔb Yennu gbouŋ ni biaŋinba-aa? Li sɔb a ‘Tann nba ki tanmaara yêtɔ na, ŋanne din set tee lɔtik ni tanŋann, ki ti Yomdaanɔ Yennu teen nnee, ki li teent bakitnauŋ na.’ ”

Barŋanii nba ki LUK din sɔb nae na 20:17

Ki Yisa gotib ŋaan yetib a “Li sɔb Yennu gbouŋ ni a ‘Tann nba ki tanmaara yêtɔ na, ŋanne din set tee lɔtik ni tanŋann.’ ki maan maŋ paak tee bee?

Barŋanii nba ki LUK din sɔb nae na 23:35

Ki niib na see ki gorii; ŋaan ki Juu teeb yudamm na din daanɔ nyatuk ki yeen a “U tuu tint nileeb; li-i tee ki u set tee Yennu Niganntɔɔ Masia na, wun tinn u mɔŋ.”

Jɔɔnn 7:38

kimaan Yennu gbouŋ yet a ‘Wunba teenin yada, a manfoor nyun sii tɔ nyunkpanae ki nyi u par ni.’ ”

Toona 1:16

ki yet a “N naa waas, linba ki Yennu Seyeeŋ din te ki David din sint bunt buntir ki jikit saa Judas po, ki li sɔb Yennu gbouŋ ni na, li tee talase ki li set tan teen ki gbee na. Judas maŋe tee daanɔ nba daan wann niib ki bi soor Yisa na.

Rom Teeb 10:11

Li sɔb Yennu gbouŋ ni a “Daanɔ nba teenɔ yada, u kan mi di fei.”

Efesus teeb 1:4

Yennu nba poŋ daa din ki nan tingbouŋ yoonba nawa ki u din gannit a tii tee u niib Yisa Masia paak, kii tee popeendamm ki daa mɔk biit u boor ni. Kimaan Yennu loonit,

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki i mun tɔɔnn ki Yisa Masia mɔŋ tee li tanjaann.

2 Timoti 3:16

Maan kur nba be Yennu gbouŋ ni na nyii u mɔb nie, ki li kura mɔk nyɔɔte, ki wantit u po, ki kpaanit, ki ŋammit ti benu, ki wantit yentinu sɔnu,

1 Piita 2:4

Baat u boor man; ŋɔɔe tee manfoor tann nba ki niib yêtɔ, ŋaan ki Yennu gannɔ ki u ŋan bonchiann na.

1 Piita 2:8

Li bia sɔb a “Tann maŋe ki niib sa gbiat, tanpiiuk maŋe sa te ki niib-n baa.” Ba ki sak Yennu mɔmaan paake ki bi gbiatir kaman nan wa din sennib biaŋinba na.

2 Piita 1:20

Ŋaan linba gar li kur tee nee; yii tian man nan Yennu sɔkiniinba nba din sɔb Yennu gbouŋ ni barii nba na din ki tee bi tiauŋ mɔmaan kaa,

2 Piita 3:16

U gbant kur ni, u din sɔb ki piak Yennu daar maŋ po labaare, ki wanti li labaar. Labasia be u gbant na ni ki paar nan nirɔ-n bann li paak, ki nisiab nba ki mɔk yan ki bia ki mɔk ba see siami, bi jikitir ki kpintir faake, kaman nan ba tuu kpintir Yennu gbouŋ maŋ paak bolia ni biaŋinba na. Li paake te ki Yennu tan sa dat bi tuba.