1 Piita 2:25 - Yennu Gbounpaauŋ Mɔɔr

²⁵ I din tuu tee kaman nan pebotkai nee, ŋaan mɔtana i jen i kpaarik wunba guu i sei na boora.

Yennu Gbouŋ Mɔɔr

²⁵ I din tuu tee nan pebotkai nae, ŋaan mɔtana i jen i kpaaritɔɔ nba guu i sei na boora.

1 Piita 2:25 ပူးပေါင်းရင်းမြစ်များ

Matiu 18:12

“Ŋaan li-i tee ki nirɔ mɔk pei kobik, ki yenɔkɔɔ tan boti, i dukii nan u sa teen nlee? See ki u nyik pei piinnyia nan bannyia na jɔɔr paak, ŋâan ki wun saan ki saa lon pebotikauk na.

Matiu 9:36

Wa din tan la niburchiauŋ maŋ na ki ninbaauk soorɔ, kimaan bi din tee tatimme ki kaa sommsiari, ki naan nan pei nba kaa pekpaarik na.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 5:2

Ŋaan u mɔŋ nba tee butundaanɔ na sɔnii bonchiann ni na paak, u sii fit be nan binba pɔɔr yan ki kpet sɔnu na soonna,

1 Piita 3:20

ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.