1 Piita 2:24 - Yennu Gbounpaauŋ Mɔɔr

²⁴ Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.

Yennu Gbouŋ Mɔɔr

²⁴ Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni kii tee niŋamm. U daŋ paake ki i la laafia.

1 Piita 2:24 ပူးပေါင်းရင်းမြစ်များ

Matiu 27:26

Ŋanne ki Pailat nyinn Barabas ŋaau, ŋaan te ki bi boo Yisa kpaasir, ki jiiu turib a bin saa kpaau dapunpunn paak.

Matiu 5:20

Kimaan mii beeri nan see ki i toonŋana yab ki gar sennu wannteeb nan Farisiinba yar, li-i kii tee nnai kaa, i kan mi ki kɔɔ Yennu naan ni.

Matiu 8:17

Wa din tuun biaŋinba na, u tuun kaman nan Yennu sɔkinii Aisaya nba din pak na a “U mɔŋ mɔŋ gaar ti gbanantouŋ nan ti yiarbooru booru ki jii yaat.”

Barŋanii nba ki MAK din sɔb nae na 15:15

Ki Pailat loon wun penn nibur maŋ para, li paak ki u nyinn Barabas turib, ŋaan te ki bi boo Yisa, ki jiiu turib a bin kpaau dapunpunn paak ki wun kpo.

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 19:1

Li yoo na ki Pailat te ki bi boo Yisa kpaasir.

Toona 10:35

ŋaan nibooru kur ni, daansɔɔ nba jiantirɔ ki bia teenɔ nibaakir, ki bia tee popeendaanɔ, ŋɔɔe ŋan nan Yennu.

Toona 10:39

Ki ti la toona kur nba ki u tun Juu teeb tingbouŋ ni nan Jerusalem, ki ti tee u siara damm. Ki bi kpaau dapunpunn paak ki u kpo.

Toona 13:29

Ba din teen Yisa linba kur gbenn kaman nan Yennu gbouŋ nba din want biaŋinba na, li yoo ki bi kpaatɔ dapunpunn na paak, ki sikinɔ ki piiu kaauk ni;

Toona 5:30

Yisa maŋe ki i daan poŋ kpaa tabinɔ dapunpunn paak ki kpiiu na, ŋaan Yennu nba tee ti yejamm Yennu na, ŋɔɔe fiin Yisa kuun ni,

Rom Teeb 6:11

Li paak, i mun dukin nan li tee kaman nan i kpoe ki biit ji ki mɔk i yaaki, ŋaan Yisa Masia paak i ji be i manfoor ni Yennu boor.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

Rom Teeb 6:16

Fi-i jii a mɔŋ ki pet ki tur nirɔ ki tee u daabir ki saak u mɔb, li tee mɔniie nan a set tee u daabire. Fi-i sak ki tuun toonbiit, a tee biit daabire, ki li joontu tee kuume; ŋaan fi-i sak Yennu mɔb, a tee mɔsakdaanɔe, ki ŋanne sa te ki a teen niŋanɔ Yennu boor.

Rom Teeb 6:2

Aaii, ŋann kaa. Li tee kaman nan ti kpo nee, ki li paak biit ki mɔk ti yaaki. Ŋannimi ti kan biar toonbiit tumu ni.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

Rom Teeb 6:7

Nirɔ-i kpo, u nyii biit paŋ niwa.

Rom Teeb 7:6

Mɔtana ŋanin, sennu na ki diati, kimaan ti din kpoe ki sennu na ji ki mɔk ti yaaki. Li paak, ti ji fit tuun ki teen Yennu nan manfopaann nba ki u Seyeeŋ turit; ti ji ki tuun nan sennkper nba ki bi din sɔb gbouŋ ni na kaa.

1 Korint teeb 15:3

Kimaan n din beti labaar nba ki n mun din gaar na, ki li tee barjaann ki gar barii kura; a Masia din gaar timm biit damm paak ki kpo, kaman nan la sɔb Yennu gbouŋ ni biaŋinba na;

2 Korint teeb 6:17

Li paak ki ti Yomdaanɔ Yennu bia yet a “Bɔkitir i mɔŋ man, ki nyi tingbouŋ na niib sinsuuk ni man, ki nyik biit kur, ki n sa gaari.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Efesus teeb 5:9

kimaan linba tee barmɔnii nan yentinu nan toonŋana kura tee yentu yare.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Kolosa teeb 2:14

Ba din kpaau dapunpunn paak yoonba na, u din kpeen ti biit pann nba din sɔb dɔɔ na nan li sennu munn munn na.

Kolosa teeb 2:20

I kpo nan Masia, ki u fati dunia ni bona paŋ yent ni, ki bee ki i jin be kaman nan i bia daa tee tingbouŋ na yabi? Bee te ki i jɔbi i mɔŋ tee sennii nba yaa a

Kolosa teeb 3:3

kimaan i poŋ din kpo nan Masia, ki bɔr i manfoor nanɔ Yennu ni.

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

Hiibru teeb 10:5

Li paak, Masia nba din yaa wun sik tingbouŋ na ni yoonba na, u din bet Yennu a “A ki loon marouŋ nan piinii kaa, ŋaan a ŋamm gbanansiare ki turin.

Hiibru teeb 12:13

kii tɔɔk sɔnu nba took, ki wunba ki u taa wɔb-n la laafia ŋaan daa kpeti.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

Jeems 5:16

Fiitir i toonbiit ki wann leeb, ki miar Yennu ki tur leeb, ki Yennu sa te ki i paak. Popeendaanɔ-i miar Yennu nan ninmɔnn, li mɔk paŋ bonchiann.

1 Jɔɔnn 2:29

I mi nan Yisa Masia tee popeendaanɔe; li paake, ki i mun bann nan binba kur tuun popeenn toona, bi mun tee Yennu waase.

1 Jɔɔnn 3:7

N waas, i daa saak ki sɔɔ-n kpanniini; daanɔ nba tuun popeenn toona, ŋɔɔe tee popeendaanɔ, kaman nan Yisa nba tee popeendaanɔ na.

Fiitu 22:2

ki puuk ki gaar doo na sɔnjosinsuuk ni, ki tiik nba ki bi yir manfoor tiik na see mɔk-kpinii ŋannlee na kur po ki kook saawa; ki tiik maŋ lon lɔɔna booru piik nan ŋannlee, ki binn nɔɔk ni ki li loon taar piik nan ŋannlee, ŋmaarik kur ni li loone; ki li faat na tee nisaarii tebuk ki tur nibooru kur.