1 Piita 2:17 - Yennu Gbounpaauŋ Mɔɔr

¹⁷ Yii teen sɔɔ kur nibaakir, kii loon Masiaweira, ŋaan tin Yennu, kii teen yent kur daanɔ nibaakir.

Yennu Gbouŋ Mɔɔr

¹⁷ Ii teen sɔɔ kur baakir, kii loon Masiaweira, kii tiin Yennu, kii teen kpanbar maŋ baakir.

1 Piita 2:17 ပူးပေါင်းရင်းမြစ်များ

Matiu 22:21

Ki bi jiin a “Siisa na yare.” Ki Yisa betib a “Tɔn, i yenn-ii pa man kii teen Siisa linba tee u yar, ŋaan mun-ii bia pa kii teen Yennu linba tee Yennu yar.”

Jɔɔnn 13:35

Li-i tee ki i loon i leeb, sɔɔ kur sa bann nan i tee n poorpoweiteebe.”

Rom Teeb 12:10

I loon leeb man bonŋann kaman nan nirɔ nan u naa bik nba tuu loon leeb biaŋinba na, ki kot kii baakit leeb;

Rom Teeb 13:7

Li paak, turimm linba tee bi yar; li-i jaŋ nan bin gaar niib lampo, amii linba ki a mɔk paak lampo, fan pa ki turib; li-i jaŋ nan ki a baak nirɔ, fan baakɔ; li-i biakii jaŋ nan fii tiin nirɔ, fan tinɔ.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

Efesus teeb 5:21

Masia paak, yi sikin i mɔŋ ki tur i leeb man.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

1 Timoti 6:1

Li kpaa talase ki binba tee daaba na-n tur bi yomdamm nibaakir, ki nisɔɔ daa piak biir Yennu sann nan u wannu.

Hiibru teeb 13:1

Ya tee Masia niib na paak, i loon i leeb man yoo kur.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 2:13

Ti Yomdaanɔ paak, i saak man yentdamm mɔi; yii saak wunba tee yent kur daanɔ mɔb;

1 Piita 5:5

Nnee mun, yimm nba tee nipaauŋ, yii saak saakab mɔi; ki i kur-ii gaan leeb mɔi, ki i kur-n teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”