1 Piita 2:16 - Yennu Gbounpaauŋ Mɔɔr

¹⁶ I be nan yentinmɔŋ binbeŋ; ŋaan i daa dia i yentinmɔŋ binbeŋ na ki li teeni yaak ki i tuun toonbiiti, ŋaan kii mɔk Yennu daaba binbeŋ.

Yennu Gbouŋ Mɔɔr

¹⁶ Ii be yent-n-mɔŋ binbeŋ; ŋaan i daa dia i yent-n-mɔŋ binbeŋ maŋ ki li tee yaak ki i tuun toonbiiti, ŋaan kii mɔk Yennu daaba binbeŋ.

1 Piita 2:16 ပူးပေါင်းရင်းမြစ်များ

Matiu 23:13

Ki Yisa bia din yet a “Yimm sennu wannteeb nan Farisiinba nba tee kpinkpannii damm na, li sii bi i paak, kimaan yimme loo Yennu naan tammɔb a niib daa kɔɔ. I mɔŋ mɔŋ kan kɔɔ, ŋaan dɔk binba loon bin kɔɔ tammɔb na.

Jɔɔnn 15:22

“Mi-i diŋŋi kii sik ki tan pak ki turibi, bi bo kii mɔk biiti. Ŋaan ma sat ki sik pak turib na, sɔnsau ji kaa ki bi sa fit bɔr bi biiti.

Rom Teeb 6:18

Mɔtana i ji ki tee biit daaba, ŋaan yentinue ji mɔk i yaak.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

1 Korint teeb 7:22

Wunba poŋ tuu tee daabir yoo nba ki u teen Masiaweirɔ na, u ji tee ti Yomdaanɔ yɔɔe; nnee mun, li-i tee ki a yen a mɔŋ yoo nba ki a teen Masiaweirɔ na, a ji tee Masia daabire.

Galasia teeb 5:1

Yisa Masia poŋ fat timma, ki ti be ti yama nie. Li paak, i daa te ki siar ji dia-i ki i tee li daabir.

Galasia teeb 5:13

N naa waas, Yennu yiini yentinmɔŋ nie, ŋaan i daa te ki i yentinmɔŋ maŋ tan te ki i niauŋ-n tan mann nyanniini. Ŋaan yimm-n jii loomm ki somm i leeb man.

Efesus teeb 6:6

I daa tiimm yoo nba ki bi tuu gorii-i ki i tuun na kuukɔɔ kaa, a bin pakiini, ŋaan yi jii i mɔŋ teen Masia daaba kii tuun linba tee Yennu loomm nan i para kura.

Kolosa teeb 3:24

Yi tian man nan ti Yomdaanɔ maŋ tan sa turi nyɔɔt nba tee u niib yar sanpaapo, kimaan Masia tee barmɔnii Yomdaanɔ ki i tuun teenɔ.

1 Tesalonika teeb 2:5

Kimaan i mɔŋ mi fanu nan Yennu tee ti siara daanɔ nan ti din ki baar i boor ni nan mɔmant kaa, amii maan nba dɔkin ti nianchiauŋ.

Jeems 1:25

Ŋaan wunba dukii sennŋann nba sa fit nyint niib biit daabsin ni, ŋaan ki tammir, ŋaan mɔk gbankur ki tuun biaŋinba ki li wann na, parpeenn sii tee li daanɔ yare, kimaan u tumu na paak.

Jeems 2:12

Yii piak ŋaan kii tuun kii mi nan Yennu tan sa jii sennu nba nyint niib biit daabsin ni nee, ki bu i buut.

2 Piita 2:19

ki beerib a bi tan sa la mɔŋ-fatu, ŋaan ki bi mɔŋ tee biit daaba, kimaan bonsiar nba nyann nirɔ, li bont tuu dia nirɔ maŋ daabsin ni.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.