1 Piita 1:8 - Yennu Gbounpaauŋ Mɔɔr

⁸ I ki mi lau ŋaan loonɔ; i bia ki laatɔ mɔtana, ŋaan teenɔ yada ki mɔk parpeenn bonchiann nba ki nirɔ kan fit yet li manu nba tee biaŋinba.

Yennu Gbouŋ Mɔɔr

⁸ I ki mi lau ŋaan loonɔ; i bia ki laatɔ mɔtana, ŋaan teenɔ yada, ki mɔk parpeenn bonchiann nba ki nirɔ kan fit wann laa tee biaŋinba.

1 Piita 1:8 ပူးပေါင်းရင်းမြစ်များ

Matiu 10:37

“Wunba loon u naa amii u baa ki garin, u ki ŋan nan wun teen n poorpoweitɔɔ; wunba mun bia loon u bija amii u bipoo ki garin, u ki ŋan nan wun teen n poorpoweitɔɔ.

Jɔɔnn 14:15

“Li-i tee ki i loonin, i sii saak n mɔb,

Jɔɔnn 14:21

“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.”

Jɔɔnn 14:24

Ki jenna, daanɔ nba ki loonimi, u ki saak n maami, ki ya gbat maan nba na, li ki tee n yar kaa, ŋaan li tee n Baa Yennu nba tumin na yare.

Jɔɔnn 16:22

Li tan sii tee i mun nnee; mɔtana ya mɔk parbiir na, ŋaan n bia tan sa laiwa, ki i para tan sa penn bonchiann, ki sɔɔ kaa ki tan sa nyinn parpeenn maŋ i ni.

Jɔɔnn 20:29

Ki Yisa boiɔ a “Fa ji lan na paake ki a teenin yada-aa? Binba ki laatin ŋaan teenin yada na, parpeenn tee bi yare.”

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Toona 16:34

Ki u bia tan jii Pɔɔl nan Sailas ki saan namm u ŋaak ni, ki saa turib jeet ki bi dii. Ki ŋɔɔ nan u ŋaateeb ji mɔk parpeenn ki li saa yakir, kimaan ba teen Yennu yada ki kpint ki teen Yisaweira na paak.

Rom Teeb 14:17

Kimaan Yennu naan labaar ki tee jeetdinu amii nyunu labaar kaa, ŋaan li tee popeenn nan parmaasir nan parpeenn yar nba ki Yennu Seyeeŋ turite.

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

1 Korint teeb 16:22

Wunba kur ki loon ti Yomdaanɔ, mɔpor-ii be u paak. Maranata; li paak tee “Ti Yomdaanɔ, baat.”

2 Korint teeb 1:22

Ŋɔɔe jii u Seyeeŋ ki teen ti para ni, ki jii u dɔk ki dɔk ti paak, ki li want nan u tan sa turit linba kur ki u lor nawa.

2 Korint teeb 4:18

kimaan ti baka kaa linba ki ti laat na po kaa, ŋaan ti baka be linba ki ti ki laat na poe; kimaan linba ki ti laat na, li kan yukiri ki li tan sa gar, ŋaan linba ki ti ki laat na ŋanin tan sii be nan yoo nba kaa gbennu.

2 Korint teeb 5:7

kimaan ti waa yada sɔnue, ti ki waa linba ki ti ninbinn lar na kaa.

2 Korint teeb 9:15

Ŋaant man ki tin tur Yennu niipoouk, kimaan ŋɔɔe turit u Bija nba gar piinii kur saaka.

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Efesus teeb 3:19

ki fit bann Masia loomm nba gar siar kur, ki i benu-ii tee kaman nan Yennu benu na.

Efesus teeb 6:24

Yennu-n somm binba kur loon ti Yomdaanɔ Yisa Masia nan loomm nba kaa gbennu na.

Filipi teeb 1:25

N mi nan ŋanne sɔ ki birsuk kaa, li paak te ki n mi nan n sii beewa. N sii be i kura boor ni, ki i sii mɔk parpeenn ki i yada-n chee,

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Filipi teeb 4:4

Yii mɔk parpeenn yoo kur, yimm nan ti Yomdaanɔ benu ni. N bia ŋammit beeri ma yii mɔk parpeenn man.

Hiibru teeb 11:1

Yada tee, ta ki mɔk birsuk nan bont nba ki ti mɔk dindann li paak na set be ŋaan daa ki lar nan ti ninbinn nee.

Hiibru teeb 11:27

Ŋɔɔ Moses yada paake din te ki u nyii Ijipt ki ki jee bat na wutoor jaŋmaanii, ŋaan lek saa tɔɔnn kaman nan u la Yennu nba ki sɔɔ ki laatɔ nan ninbinn na.

1 Piita 1:6

Li paak, i mɔk parpeenn; li-i lekii tee a i mɔk parbiir yoo waaminna mɔtana kimaan ya la farbooru booru na paak, i mɔk parpeenne.

1 Piita 2:7

Yimm nba teenɔ yada na mi nan u ŋan bonchiann ki turi; ŋaan binba ki teenɔ yada, bii mi nan li sɔb Yennu gbouŋ ni a “Tann nba ki tanmaara yêtɔ na, ŋanne set tee lɔtik ni tanŋann.”

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.