1 Piita 1:7 - Yennu Gbounpaauŋ Mɔɔr

⁷ Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

Yennu Gbouŋ Mɔɔr

⁷ Biak maŋ bikii-i a lin laan i teen Masia yada fanuwa-a? Li tee nan baa tuu jii salima ki teen muu ni a bin la li ŋant nae. I yada teenu ŋan Yennu boor ki gar salima gbaa. I yada teenu-i ŋan, ŋanne saa te ki yin la paku nan dontir nan baakir, yoo nba ki Yiisa Masia tan saa nyi paanu na.

1 Piita 1:7 ပူးပေါင်းရင်းမြစ်များ

Matiu 19:28

Ŋanne ki Yisa jiin ki betib a “Barmɔniie ki n beeri na, yoo nba ki min nisaarik Bik na tan kar n naangbant paak nan paŋ bonchiann dunia paann na ni, yimm nba tee n poorpoweiteeb na mun tan sa kar naangbant piik nan ŋannlee paake, kii bu Israel teeb booru piik nan bannlee na buut.

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:23

Ki u yomdaanɔ yetɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Barŋanii nba ki LUK din sɔb nae na 12:33

Li paak amii, kɔin i bona nba ki i mɔk ki jii li likirii ki tur talasdamm, ki i tan sa la mɔkint nba ki mɔk gbennu. Mɔkint maŋ sii be Yendɔuŋ ni, ki kan wati, kimaan nanyukɔɔ kan kpian leŋi, ki bonŋmiŋmabit bia kan mɔɔri.

Barŋanii nba ki LUK din sɔb nae na 17:30

Ki daar nba ki min nisaarik Bik tan sa dɔkit, li mun tan sii tee nnee.

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Toona 8:20

Ŋaan ki Piita betɔ yaa a “A sa kpo yiake nan a likirii maŋ, kimaan a dukii mi a a sa gaar Yennu piinii nan likiriie.

Rom Teeb 2:10

ŋaan Yennu sa jii paku nan nyɔɔt nan parmaasir ki tur binba kur tuun toonŋana na; Juu teebe sa gaar sinsinn, ki binba ki tee Juu teeb na-n joont;

Rom Teeb 2:29

Juu nirɔ nan barmɔnii tee wunba tee Juu nirɔ u par nie. Potu nan mɔnii mun tee par nie, ki li potu tee Yennu Seyeeŋ tumu; li ki tee gbanant paanu ni kaa. Li daanɔ laat paku Yennu boore, li ki tee nisaarik boori.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Rom Teeb 8:19

Dunia bona kur nba ki Yennu nann na guu nan ninmɔnne nan yoo nba ki Yennu tan sa nyinn u waas yeenin ni,

1 Korint teeb 3:13

Masia baaru daar maŋ nie, ki sɔɔ kur toona nba tee biaŋinba tan sa nyi paanu. Muue tan sa fiit wannir, ki bikin sɔɔ kur toona ki wann la tan sii tee biaŋinba.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

1 Piita 2:4

Baat u boor man; ŋɔɔe tee manfoor tann nba ki niib yêtɔ, ŋaan ki Yennu gannɔ ki u ŋan bonchiann na.

1 Piita 2:7

Yimm nba teenɔ yada na mi nan u ŋan bonchiann ki turi; ŋaan binba ki teenɔ yada, bii mi nan li sɔb Yennu gbouŋ ni a “Tann nba ki tanmaara yêtɔ na, ŋanne set tee lɔtik ni tanŋann.”

1 Piita 4:12

N naa walonkai, ya di fargbeŋŋa nba bikii-i na, i daa te ki li bakitiri ki li tee barsaann i boori.

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

2 Piita 1:4

Li paak, ki u din senn mɔsonjaana nba ŋan bonchiann ki turit a tin nyi kuun nba be tingbouŋ na ni loonbiit na paak, ŋaan gaar u binbeŋ.

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.

Fiitu 3:10

Kimaan ya sak n mɔmaan ki mɔk mintir na paak, n sa dia-i bonŋann ki i tan kan kɔɔ bonbiir nba baat tingbouŋ na kur paak a lin tan bikin tingbouŋ na niib na.

Fiitu 3:18

Li paak, n kpaaniie a yi daa sarima nba tee sarinmɔnna n boor ni ki set la mɔkint, ki bia daa tapeenii ki dɔkin i fei na, ki bia daa kpan ki baŋ i ninbina na kii laat.