1 Piita 1:23 - Yennu Gbounpaauŋ Mɔɔr

²³ I la manfopaanna; li manfoor ki nyii bonboorik nba kpenn ni kaa, ŋaan li nyii bonboorik nba ki kpenn boore; Yennu maan nba mɔk manfoor ki sii be mɔkmɔk nan yoo nba kaa gbennu na turi manfoor maŋ.

Yennu Gbouŋ Mɔɔr

²³ I la manfopaanna. Li manfoor ki nyii bonboorik nba kpenn ni kaa, ŋaan li nyii bonboorik nba ki kpenn na nie. Yennu maan nba mɔk manfoor ki sii be mɔkmɔk nan mɔkmɔk nae turi manfoor maŋ.

1 Piita 1:23 ပူးပေါင်းရင်းမြစ်များ

Matiu 24:35

Sanpaapo nan tiŋ tan sa gara, ŋaan n maan ŋanin kan mi ki gar fabaa.

Barŋanii nba ki LUK din sɔb nae na 8:11

“Barjouk na paak tee nnee: Bonboorii nba nee tee Yennu maan.

Jɔɔnn 1:13

Ba din teen Yennu waas na, ki Yennu ji turib u manfopaann. Li ki tee nisaarii kaa din turib li manfoor ba din marib yoonba na, ŋaan li din tee Yennue.

Jɔɔnn 1:3

ki u nie ki Yennu din nan bont kur, ki siar din kaa ki Yennu nan ki li ki nyii u ni,

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Jɔɔnn 6:63

Yennu Seyeeŋ kuukɔɔe teen niib manfoor; ŋaan gbanant na tee yanne. Mɔmaan nba ki n pak ki turi nae baat nan Yennu Seyeeŋ nba teen niib manfoor maŋ.

Rom Teeb 1:23

ba bo sii jiantir Yennu nba kaa gbennu na, bi ki saki, ŋaan jiantir pata nba ki niib nammir ki li naan nisaarii, amii nɔɔnii, amii bonkobit, amii bonfurinkaa nba furin tiŋ ni.

Hiibru teeb 4:12

Kimaan Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba kur ŋma mɔi ŋannlee. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

Jeems 1:18

U mɔŋ loommo ki u teent u waas, u maan nba tee barmɔnii na paak, a tii chee u bonninaant kura.

1 Piita 1:25

ŋaan ti Yomdaanɔ maan na ŋanin kaa gbennu.” Maan maŋe tee barŋanii nba ki bi din mɔɔntir ki teeni na.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Jɔɔnn 3:9

Binba kur tee Yennu waas nyii bi Baa Yennue, ki ki tuun biiti. Bi ki fit tuun biiti, kimaan ba gaar bi Baa Yennu binbeŋ na paak.

1 Jɔɔnn 5:18

Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.