1 Piita 1:21 - Yennu Gbounpaauŋ Mɔɔr

²¹ U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

Yennu Gbouŋ Mɔɔr

²¹ U paake ki i teen Yennu yada. Ŋɔɔe din fiinɔ kuun ni ki turɔ paŋ; li paake ki i mɔk yada nan dindann Yennu boor.

1 Piita 1:21 ပူးပေါင်းရင်းမြစ်များ

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Jɔɔnn 12:44

Ŋanne ki Yisa tan pak sanpaapowa a “Daanɔ nba teenin yada, u ki teen min kuukɔɔ kaa yada, ŋaan u mun teen Yennu wunba tumin nee yada.

Jɔɔnn 14:1

Li yoo na ki Yisa betib a “I daa mɔk parbiiri. Teent Yennu yada, ki mun teenin yada.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 17:1

Yisa nba din pak nna maŋ, ŋaan gokit got sanpaapo, ki yet a “N Baa, yoo maŋ baar na. Ŋaant ki min a Bija-n la dontir, ki fit lian te ki a mun-n la dontir,

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 17:5

N Baa, turimin dontir a boor ni mɔtana, dontbooru nba ki n din laat, ma din be a boor ni ki a daa din ki nan dunia na.

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Toona 3:13

Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 4:10

ŋann li ŋan ki i kura-n bann, ki Israel teeb kur-n mun bann nan Nasaret nirɔ Yisa Masia sann paake ki jɔɔ maŋ la laafia ki see i numm ni na. Li Yisae ki i daan te ki bi kpaau dapunpunn paak ki kpiiu, ŋaan ki Yennu fiinɔ kuun ni na.

Rom Teeb 10:9

Li-i tee ki a set pak ki kat nyinn a mɔb ni ki yet a Yisa tee a Yomdaanɔ, ki bia teen yada a par ni nan Yennu set fiinɔ kuun ni, Yennu sa tinnawa.

Rom Teeb 4:24

ŋaan li sɔb ki teen timm nba ki Yennu sa gaarit mun ki ti tee niŋamm u tɔɔnn, kimaan ta teenɔ yada, ŋɔɔ Yennu wunba fiin ti Yomdaanɔ Yisa kuun ni na.

2 Korint teeb 6:15

Masia nan Sintaanii sa fit taan mɔbaa? Nisɔɔ nba waa Yisa sɔnu nan wunba ki waa-r, bi sa fit taan binbenyeŋaa?

Efesus teeb 1:15

Li paak, yoo nba ki n din gbat ya teen ti Yomdaanɔ Yisa yada na nan ya loon Yennu niib biaŋinba na po mɔkmɔk nan dinna,

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

1 Timoti 1:1

Min Pɔɔl tee Yisa Masia toomii, kimaan ti Tinntɔɔ Yennu nan Yisa Masia binba tee ti dindann na turin yaak;

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 2:9

Ŋaan ti laat Yisae. Ŋɔɔe ki Yennu din te ki u pɔ malakanba yoo waaminna, a wun gaar sɔɔ kur paak ki kpo, ŋɔɔ Yennu ninbatinu ni na. U kuun fara dinu maŋ paak ki Yennu te ki u la dontir nan paku.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

1 Piita 1:11

Masia Seyeeŋ nba din be bi ni din wannib a u tan sa la fara; ki li poorpo ki u bia tan sa la nibaakir bonchiann; ki bi koor ki loon bin bann yoo nba ki li tan sa tun, ki bia loon bin bann la tan sa tun biaŋinba.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.