1 Piita 1:19 - Yennu Gbounpaauŋ Mɔɔr

¹⁹ ŋaan u jii Yisa Masia sɔn nba ŋan gar likirii kura; ki li tee kaman nan mannu pebik nba ki mɔk biit amii dɔk u paak nee.

Yennu Gbouŋ Mɔɔr

¹⁹ ŋaan u jii Yiisa Masia sɔn nba ŋan gar likirii nae; ki u tee nan maruŋ pegann nba ki mɔk biit koo dɔk u paak na.

1 Piita 1:19 ပူးပေါင်းရင်းမြစ်များ

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Matiu 26:28

Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 1:36

ki tan la ki Yisa gaar saa, ki u yet a “Gotir man, Yennu marouŋ pebik na!”

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Rom Teeb 3:25

Yennu te ki Yisa Masia nyii yeenin ni, ki bia te ki u sɔn nba nyii u ni na tee marouŋ ti biit paak, ki ti-i teen linba na yada, Yennu sa nyik chab ti biit; ŋanne wann nan Yennu be fanu. Yoo nba gar, Yennu din ki dat nisaarii tuba bi toonbiit paaki, kimaan u sukuru paak;

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Kolosa teeb 1:14

U Bija maŋ paak ki u nyik chab ti biit ŋaan nyinnit daabsin ni.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

Fiitu 14:1

Ki n yerintu maŋ ni ki n bia gokit ki la Pebik na ki u see jɔɔr nba ki bi yir Sion na paak, ki niib tuskobik nan tuspiinna nan tusa ŋanna, binba mɔk u sann nan u Baa sann bi yugbia paak, ki bi lakin ki see nanɔ.

Fiitu 14:5

Faak bia ki nyi bi mɔi ni; bi tee popeendamme.

Fiitu 5:6

Ki n la Pebik ki u see naangbouŋ na boor ki bonfoa banna na nan saakab na see ki lintɔ; ki Pebik na tee kaman nan pebik nba ki bi kpiiu ŋaan ki u fiir kuun ni na, ki u mɔk yina ŋannlore, nan ninbina ŋannlore linba tee Yennu Sei ŋannlore nba ki u tumm tingbouŋ na kur ni na.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.

Fiitu 7:14

Ki n jiin ki yetɔ a “Chanbaa, fine mi, ŋaan min ki mi.” Ki u yetin a, “Niib na nyii fargbeŋŋir na nie, ki wuur bi liatfɔkit na Pebik na sɔn ni ki li ji peen,