1 Piita 1:17 - Yennu Gbounpaauŋ Mɔɔr

¹⁷ Li-i tee ki i mei Yennu, i yiu Baae; ŋɔɔe bu niib kur buut kaman nan ba tun biaŋinba na, ki ningannii kaa; li paak, yoo nba kur ki i be tingbouŋ na ni, yii tiinɔ man.

Yennu Gbouŋ Mɔɔr

¹⁷ Li-i tee ki i mei Yennu, i yiu Baae; ŋɔɔe bu niib kur buut nan baa tun biaŋinba na, ki ningannii kaa; li paak, yoo nba kur ki i be tingbouŋ na ni, ii tiinɔ man.

1 Piita 1:17 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 22:16

Ŋanne ki bi din tun bi poorpoweiteeb nan Bat Herod poorpojɔɔmu Yisa boor ni, ki bi din boiɔ a “Wanntɔɔ, ti mi nan a tee barmɔnpakirɔɔe, ki want niib Yennu sɔnu nan barmɔnii, ŋaan ki ki fiin niib po, kimaan a baka kaa nan nisaarik nba tee wunba po.

Matiu 6:9

Ya tuu sii mei Yennu biaŋinbae na: ‘Ti Baa Yennu nba be sanpaapo, ŋaant ki bii baakit a sann;

Rom Teeb 11:20

Li set tee mɔniie; ba ki teen yada na paake ki u kɔnnib, ki fin nba teen yada na paake ki u jiin tukina li paak. Ŋannimi a ji daa mɔk parbifaant dudukit li paaki, ŋaan kii mɔk jaŋmaanii.

2 Korint teeb 1:2

Ti Baa Yennu nan ti Yomdaanɔ Yisa Masia-n sommi ki bia turi parmaasir.

2 Korint teeb 5:6

Li paak, ti mɔk parcheenn yoo kura, ki bann nan ti sei-i be tingbouŋ na gbanant na ni, ti kaa sanpaapo ti Yomdaanɔ boor ni;

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

2 Korint teeb 7:11

Yennu nba te ki i la parbiir na, i mɔŋ la biaŋinba ki li turi nyɔɔta; i baka be Yennu labaar ni, ki i bia loon ki i wann nan i ki mɔk biiti; i bia tiin Yennu; i loon ki i bia lan; i bia loon ki i tun Yennu loomm; i poŋ dat biitdaanɔ na tubira. Ya tun nna maŋ na, li set want nan i ki mɔk bisiat labaar maŋ ni.

Galasia teeb 2:6

Ŋaan binba ki bi yib saakab na, bi-i tee nijaana amii bi-i kii teeie, li ki kpaa talas min yaa boor, kimaan Yennu ki bikii nan ningannii; ŋamm nba ki bi yib saakab na din ki turin kpaanpaanii.

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Efesus teeb 3:14

Linba na paak, ki n gbaa n duna paak ti Baa Yennu tɔɔnn po,

Efesus teeb 6:9

Chanbaanba, yii mun-ii dia i daaba bonŋann ki daa diab nan ninmɔnni. Yii mun-ii tian nan yimm nan i daaba maŋ kura taan mɔk Yomdaanɔ yenɔkɔɔe Yendɔuŋ ni, ki u ki mɔk lukitimi.

Filipi teeb 2:12

N naa walonkai, ma din be i boor ni ki i sak n mɔb biaŋinba na, ki mi-i lekii kaa i boor ni, li kpaa talas ki yin sak n mɔb. Yii biakii tuun i toona nan yentinu nan gbananjekint man, ki tont i tinnu,

Kolosa teeb 3:25

Ki biitdaanɔ mun tan sa gaar u toonbiit tubdatu, wa tun linba paak, kimaan Yennu tan sa dat u tuba, ki lukitin kaa.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

Hiibru teeb 4:1

Mɔtana Yennu ji tur timme mɔlor maŋ a tin la foon nba ki u din piak li po na. Li paak, i bann i yanni man ki daa ŋaant ki sɔɔ-n tan kɔŋ foon maŋi.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

1 Piita 3:15

Tinin ti Yomdaanɔ Masia i para ni; yoo kur, i teen siir ki jiin wunba boi-i ya mɔk dindann biaŋinba na po.