1 Piita 1:13 - Yennu Gbounpaauŋ Mɔɔr

¹³ Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

Yennu Gbouŋ Mɔɔr

¹³ Li paak, ii teen i dudukit siir nan yan, ki soor i mɔŋ, kii mɔk dindann nan barmɔnii nan i saa di manu bonchiann, yoo nba ki Yiisa Masia tan saa nyi paanu na.

1 Piita 1:13 ပူးပေါင်းရင်းမြစ်များ

Matiu 20:4

Ki u betib a ‘I do man n kpaab ni kii sai ko, ki n pai linba jaŋ.’

Barŋanii nba ki LUK din sɔb nae na 12:35

“Teent siir man ki daa yokitir i tiati, ki ŋaan ki i fita-ii di,

Barŋanii nba ki LUK din sɔb nae na 17:30

Ki daar nba ki min nisaarik Bik tan sa dɔkit, li mun tan sii tee nnee.

Barŋanii nba ki LUK din sɔb nae na 17:8

A sa betɔ a ‘Liatir a kpakoliata ki bir, ŋaan lia tayeenii, ki teen n jeet ki sennin ki n baar na ki tan di ki nyu. Li poorpo ki a mun sa di ki nyu.’

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

Rom Teeb 8:19

Dunia bona kur nba ki Yennu nann na guu nan ninmɔnne nan yoo nba ki Yennu tan sa nyinn u waas yeenin ni,

1 Korint teeb 1:7

Li paak, i ki pɔt Yennu Seyeeŋ piinii na yenn gbaa nan ya guu daar nba ki ti Yomdaanɔ Yisa Masia tan sa jen na.

1 Korint teeb 13:13

Tɔn, yada nan dindann nan loomm, li bona ŋanntaa daa be mɔtana; ŋaan loomme gar li kur.

Efesus teeb 6:14

I set man, ki jii barmɔnii ki bobin i sai ni, kii mɔk yentinu nba tee kaman nan naagbankɔŋŋir na,

Kolosa teeb 3:4

Masia nba teent manfoor na nba tan sa dɔkit yoonba, i mun tan sa dɔkit nanɔe nan yentchiauŋ.

2 Tesalonika teeb 1:7

ki fat yimm nba di fara na, ki mun bia fatit. Yennu tan sa tun linba na yoo nba ki ti Yomdaanɔ Yisa nan u yabint malakanba tan sa nyi Yendɔuŋ ni ki baar nan mupeenu,

2 Timoti 4:5

Ŋaan fii tee subindaanɔ yoo kur, kii saak fardinu, kii mɔɔntir Yisa Masia barŋanii, kii tuun toona kur nba ki Yennu tura na.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 10:35

Li paak, i daa nyikit yabiru mani, kimaan i yabiru na baat nan nyɔchiauŋo.

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 6:19

Dindann nba ki ti mɔk na tee kaman nan manfoor jaantarik nba dia ti manfoor fanu. Li tee dindann nba gar Yendɔuŋ ni diiuk kaaruk nee ki kɔɔ diiuk maŋ linn po.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

1 Piita 1:10

Tinnu nee ki sɔkiniinba din loon bin bann li paak nan ninmɔnn, ki din sɔkint a li tan sii tee yimme ki Yennu sa tini ninbaauk.

1 Piita 3:15

Tinin ti Yomdaanɔ Masia i para ni; yoo kur, i teen siir ki jiin wunba boi-i ya mɔk dindann biaŋinba na po.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

1 Piita 5:12

Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.