1 Piita 1:12 - Yennu Gbounpaauŋ Mɔɔr

¹² Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

Yennu Gbouŋ Mɔɔr

¹² Ki Yennu fiit wannib a bi ki sɔkint bi mɔŋ sommir paak kaa, ŋaan i sommir poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nae mun te ki binba mɔɔntir barŋanii na beeri barii maŋ. Linba nae ki malakanba gbaa loon bin bann li paak.

1 Piita 1:12 ပူးပေါင်းရင်းမြစ်များ

Matiu 11:25

Li yoo maŋ ki Yisa din yet a “N Baa Yennu wunba tee sanpaapo nan tingbouŋ na Yomdaanɔ, n piaka, kimaan a bɔr a maan na subindamm nan miteeb, ŋaan fiit wann waase;

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 16:17

Ki Yisa betɔ a “Fin Simon, wunba tee Jona bija na, parpeenn be a paak, kimaan nisaarik kaa fiit barii na wannani, ŋaan n Baa Yennu wunba be sanpaapo nee fiit ki wanna.

Barŋanii nba ki MAK din sɔb nae na 16:15

Ki u bia yetib a “Yii saa kii mɔɔntir barŋanii na ki tur sɔɔ kur tingbouŋ na kur saaka po.

Barŋanii nba ki LUK din sɔb nae na 15:10

“Ŋanne mun ki n beeri biak, li-i tee ki biitdaanyenɔ nyik u biit, Yennu malakanba sii mɔk parpeenn u paake.”

Barŋanii nba ki LUK din sɔb nae na 2:26

Ki Yennu Seyeeŋ maŋ poŋ din fiit ki wannɔ a u kan kpo see ki u tan la Yennu Niganntɔɔ Masia, wunba ki u din senn mɔsonn a u sa tumɔ na.

Barŋanii nba ki LUK din sɔb nae na 9:6

Ŋanne ki u poorpoweiteeb na din nyii ki lin digbanbis kur ki mɔɔntir Yennu barŋanii, ki bia te ki baatib paak siar kur po.

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Toona 10:44

Piita nba din daa piak na, ki Yennu Seyeeŋ sik kɔɔ binba kur din gbiintir maan maŋ ni.

Toona 16:10

Pɔɔl nba la yerintu maŋ na, li taakpaak ni ki ti teen siir a tin saan Masedonia, kimaan ti ji din la nan Yennu betit a tin saan kii sii mɔɔntir Yisa barŋanii kii teen niib na leŋ.

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.

Toona 4:31

Ba gbenn Yenmiaru na yoonba, ki siaminba po ki bi tikir na ji jek, ki bi kura gbee yent nan Yennu Seyeeŋ, ki ji piin piak Yennu maan nan parcheenn.

Toona 4:8

Ŋanne ki Yennu Seyeeŋ fiir Piita ni, ki u jiin ki yetib a “Yimm chanbaanba nan saakab, gbiintir man,

Toona 8:25

Tɔn, li poorpoe ki Piita nan Jɔɔnn din pak siara ti Yomdaanɔ po ki tur niib, ki bia mɔɔnt u maan, ŋaan ŋmat ki saan Jerusalem. Ba din saa nee, ki bi din mɔɔntir Yisa barŋanii Samaria digbanbis ni bonchiann.

Rom Teeb 1:15

Li paak, ki n ninbinn mɔn bonchiann a n mɔɔnt barŋanii maŋ ki tur yimm nba be Rom doo ni na.

Rom Teeb 1:17

Barŋanii maŋ want nan Yennu yet a nirɔ tee niŋanɔ u tɔɔnn, yada teenu paake; nee nyii paanu ki tur binba teen Yisa yada, kaman nan la sɔb u gbouŋ ni biaŋinba na a “Wunba teen niŋanɔ Yennu boor u yada na paak, li daanɔ sii mɔk manfoor nba kaa gbennu.”

Rom Teeb 10:15

Ki Yennu-i kii tun toomiinba, nlee ki barŋanii maŋ sa mɔɔnti? Li sɔb Yennu gbouŋ ni a “Binba lin ki mɔɔntir barŋanii maŋ, bi baaru ŋan bonchiann.”

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

1 Korint teeb 2:10

Ŋanne ki Yennu Seyeeŋ na te ki ti bannir, kimaan Seyeeŋ na mi bont kur nan Yennu woonin ni maan gbaa.

2 Korint teeb 1:22

Ŋɔɔe jii u Seyeeŋ ki teen ti para ni, ki jii u dɔk ki dɔk ti paak, ki li want nan u tan sa turit linba kur ki u lor nawa.

2 Korint teeb 6:6

Ti tee popeendamme, ki ti mi Yennu mɔmaan, ki mɔk sukuru nan burchint, ki gbee nan Yennu Seyeeŋ, ki loon niib,

Galasia teeb 1:12

Nisaarik kaa din wannin ki n gaar, ŋaan Yisa Masia mɔŋ mɔŋe din fiit wannin.

Galasia teeb 1:16

Ki wa din dukin ki nyinn u Bik maŋ paanu ni ki wannin a n mɔɔnt u barŋanii ki tur binba ki tee Juu teeb yoonba, n din ki saan nisaarik boor ni ki saa faa sɔɔ baani.

Efesus teeb 3:10

a Masia niib paak malakanba yent damm nan Yendɔuŋ ni yikoo damm-n tan tumii mɔtana u subinbooru booru.

1 Tesalonika teeb 2:9

Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 11:13

Niib nba na kur din tuu tan kpo nan bi yada ŋaan daa ki gaar Yennu nba din senn mɔsonn linba a u sa turib na, ŋaan bi yada maŋ paak, bi din dɔŋ lar banfɔkirewa, kimaan bi din bann ki sak nan bi tee saamme ki tee nitintaaka tingbouŋ na ni.

Hiibru teeb 2:4

ki Yennu nba din tuun bakitnauŋ nan yaarlituk toona nan nyina ki bia teemm u Seyeeŋ piinii u lomm ni biaŋinba na, u pukii u siara bi wannu maŋ paak.

Hiibru teeb 4:2

Kimaan ti gbat barŋanii kaman nan ba mun din gbatir biaŋinba, ŋaan li din ki turib nyɔɔti, kimaan ba din gbatir yoonba bi din ki gaarir nan yada.

1 Piita 1:25

ŋaan ti Yomdaanɔ maan na ŋanin kaa gbennu.” Maan maŋe tee barŋanii nba ki bi din mɔɔntir ki teeni na.

1 Piita 4:6

Ŋanne teen ki bi din mɔɔnt Masia barŋanii ki tur binba kpo na gbaa; bi lek din kpo kaman nan sɔɔ kur nba kpenn biaŋinba nee; bi din mɔɔnt barŋanii maŋe ki turib a bin la yaak kii mɔk manfoa bi sei ni, Yennu paak.

Fiitu 5:11

Li poorpo biak ki n got ki la malakanba tusa tusa tusa, ki bia gbat bi kunkɔra, ki bi ŋaa lint bonfoa banna na nan saakab na nan naangbouŋ na.