1 Piita 1:10 - Yennu Gbounpaauŋ Mɔɔr

¹⁰ Tinnu nee ki sɔkiniinba din loon bin bann li paak nan ninmɔnn, ki din sɔkint a li tan sii tee yimme ki Yennu sa tini ninbaauk.

Yennu Gbouŋ Mɔɔr

¹⁰ Tinnu nae ki sɔkiniinba din loon bin bann li paak nan ninmɔnn, ki sɔkint a yimme ki Yennu saa tini ninbaauk na.

1 Piita 1:10 ပူးပေါင်းရင်းမြစ်များ

Matiu 13:17

Ŋaan barmɔniie ki n beeri, Yennu sɔkiniinba nan yentina bonchiann din loon bin la linba ki i laat na, ŋaan din ki laati; ki bia din loon bin gbat labaar nba ki i gbia na, ŋaan din ki gbati.”

Matiu 26:24

Min nisaarik Bik set sa kpo kaman nan Yennu gbouŋ nba wann biaŋinba nee, ŋaan bonbiir sii be wunba yaa wun nyi n poor na paak. Bi-i bo-i diŋŋi kii mar li daanɔ gbaa, li bo din sɔ.”

Barŋanii nba ki LUK din sɔb nae na 10:24

N beerie nan Yennu sɔkiniinba nan kpanbara bonchiann din loon bin la linba ki i laat na, ŋaan din ki la, ki bia din loon bin gbat labaar nba ki i gbia na, ŋaan din ki gbati.”

Barŋanii nba ki LUK din sɔb nae na 24:44

Ŋanne ki u betib a “I tian man n mɔmaan nba ki n daan wanti ma daan be i boor ni yoonba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na nɔɔk ni, a li kpaa talas nan li kur-n tan mantik tun ki gbenn.”

Jɔɔnn 5:39

“Tɔn, ŋaan i lek tuu karin Yennu gbouŋ na, kimaan i tuu dukii mi a manfoor nba kaa gbennu be leŋe, ki Yennu gbouŋ maŋ want n po,

Jɔɔnn 7:52

Ki bi boiɔ, “A mun tee Galilee nirɔee? Gotir Yennu gbouŋ ni. A sa la nan Yennu sɔkinii ki mi nyii Galilee tiŋ ni.”

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Toona 17:11

Leŋ niib yan din kɔɔ Yisa maan maŋ ni ki gar Tesalonika teeb, ki bi set din sak maan na nan bi para kura, ki daa kur ki bi karin Yennu gbouŋ, ki gorii, a bin laan Pɔɔl nba piak linba maŋ, a li set tee mɔnii amii nlee.

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Toona 7:52

Yennu sɔkinii sɔɔ din kaa ki i yejamm din ki mukisɔ. Bi bia din kpii binba din poŋ sɔkint a Yennu Popeendaanɔ Masia tan sa baar nawa. Tɔn, ki mɔtana yimme tee damm nba nyii u poor ki bia tee u kpiira.

Hiibru teeb 11:13

Niib nba na kur din tuu tan kpo nan bi yada ŋaan daa ki gaar Yennu nba din senn mɔsonn linba a u sa turib na, ŋaan bi yada maŋ paak, bi din dɔŋ lar banfɔkirewa, kimaan bi din bann ki sak nan bi tee saamme ki tee nitintaaka tingbouŋ na ni.

Hiibru teeb 11:40

kimaan ti paake ki u din mantik dukii bonsiar nba chee na po, ŋanne tee a u sa te ki timm nan ŋamm-n tan lakin tee binba be fanu nan barmɔnii.

1 Piita 1:11

Masia Seyeeŋ nba din be bi ni din wannib a u tan sa la fara; ki li poorpo ki u bia tan sa la nibaakir bonchiann; ki bi koor ki loon bin bann yoo nba ki li tan sa tun, ki bia loon bin bann la tan sa tun biaŋinba.

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.