1 Piita 1:1 - Yennu Gbounpaauŋ Mɔɔr

¹ Min Piita nba tee Yisa Masia toomii nee sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.

Yennu Gbouŋ Mɔɔr

¹ Min Piita nba tee Yiisa Masia toomii nae sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.

1 Piita 1:1 ပူးပေါင်းရင်းမြစ်များ

Matiu 10:2

U poorpoweiteeb piik nan bannlee maŋ sanae na: Simon, wunba sann bia din yi Piita na; nan u waarɔ Andru; nan Jems nan u waarɔ Jɔɔnn, binba din tee Sebedee waas na;

Matiu 24:22

Yennu-i taŋŋi kii wat daa maŋ yabinti, sɔɔ tan kan tinni; ŋaan u nigannkab paak ki u tan sa wat daa maŋ yabint.

Matiu 4:18

Yisa nba din somm Galilee mɔkgbeŋŋir kpiŋ na, ki u tan la nirɔ wunba ki bi yiu Simon ki bia yiu Piita na, nan u waarɔ Andru, ki bi lubin janlaauŋ mɔkir ni, kimaan bi din tee jansoorae.

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Jɔɔnn 11:52

Ŋaan li ki tee Juu teeb kuukɔɔ kaa ki u tan sa gaar bi paak ki kpo, ŋaan nan binba kur tee Yennu niib ki yat be tingbouŋ na ni nae ki u sa gaar bi paak ki kpo, ki bin taan nan leeb mɔyomm.

Jɔɔnn 7:35

Ki Juu teeb na boi bi leeb a “U yaa wun tan saan lee, ki ti kan lau? U yaa wun tan saan Griik doi ni siaminba ki Juu teeb be na, kii sii want Griik teeb na amii?

Toona 18:2

Leŋe ki u din saa la Juu nisɔɔ, ki u sann yi Akuila, ŋaan bi din marɔ Pontuse, ki ŋɔɔ nan u ŋaapoo Prisila nyii Itali ki baar Korint, kimaan kpanbara yudaanɔ Klɔdius din tur mɔb a Juu teeb kur-n nyi Rom. Ba be Korint na, li daa ki yukiri. Ki Pɔɔl din tan baar bi ŋaak ni,

Toona 18:23

ki saa yukir leŋ, ki bia tan nyii leŋ ki saa Galasia nan Frijia yaka po, ki saa cheen Yisaweira kur para.

Toona 19:10

Li din jii nna ki baar bina ŋannlee. Ki niib kura nba din be Asia tiŋ ni ki tee Juu teeb, nan nileeb kura, din gbat ti Yomdaanɔ maan maŋa.

Toona 6:9

Ŋaan nisiab din ki sakɔ. Binba din nɔi nan Stiifen maŋ din tee Juu teeb nba din tee daaba, ki bi ŋaab bi daabsin ni. Ki bi nyii Sairene nan Aleksandria nan Silisia nan Asia nie. Bi mun din mɔk bi mɔŋ Yenjiantu diiuko.

Toona 8:4

Yisaweira nba din nyii ki yat na ji din saa lokir kur poe ki mɔɔntir Yisa maan maŋ;

1 Korint teeb 16:19

Masiaweira nba be Asia tiŋ ni na foonti. Akuila nan Prisika nan Masiaweira nba lakii ki jiantir Yennu bi ŋaak ni na foonti fanu ti Yomdaanɔ sann ni.

2 Korint teeb 1:8

N naa waas, n loon ki n tiari fara nba ki ti din dii Asia yent ni nee. Fara maŋ din mantik gar ti paŋ terik hali ki ti tan ŋaa dindann ti mɔŋ mɔŋ manfoa po,

Efesus teeb 2:12

I din ki mi Masia li yoo. I din tee saamme ki bi ki kaani ki pukinti Yennu nigannkab ni. I din ki mi Yennu tingbouŋ na ni, ki bia din ki mɔk dindann, kimaan wa din tur u niib mɔsona nba i din ki pukin li ni;

Efesus teeb 2:19

Mɔtana, yimm nba ki tee Juu teeb nan Yennu niib tee tiŋ yeŋkɔɔ waase, ki ji tee Yennu ŋaateeb; i ji ki tee saamm kaa.

2 Timoti 1:15

A poŋ mi nan sɔɔ kur nba be Asia na nyikima; bi siabe tee Fijelus nan Hemojenes.

Hiibru teeb 11:13

Niib nba na kur din tuu tan kpo nan bi yada ŋaan daa ki gaar Yennu nba din senn mɔsonn linba a u sa turib na, ŋaan bi yada maŋ paak, bi din dɔŋ lar banfɔkirewa, kimaan bi din bann ki sak nan bi tee saamme ki tee nitintaaka tingbouŋ na ni.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

Fiitu 1:11

ki betin a n sɔb linba ki n laat na ki teen gbouŋ ni ki nakin ki tur Masiaweira nba be digbana ŋannlore: binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.