1 Korint teeb 9:1 - Yennu Gbounpaauŋ Mɔɔr

¹ N ki yen n mɔŋii? N ki tee Masia toomii kaa-aa? N ki la ti Yomdaanɔ Yisa-aa? N toona nba ki n tuun ki teen ti Yomdaanɔ na paak kaa ki i mun tee mɔsakdammii?

Yennu Gbouŋ Mɔɔr

¹ N ki yen n mɔŋi-i? N ki tee Masia toomii kaa-a? N ki la ti Yomdaanɔ Yiisa-a? N toona nba ki n tuun ki teen ti Yomdaanɔ na paak kaa ki i mun tee mɔsakdammi-i?

1 Korint teeb 9:1 ပူးပေါင်းရင်းမြစ်များ

Toona 13:2

Ki dasiar ki bi daa din be ki jiantir ti Yomdaanɔ ki lorin mɔi, ki Yennu Seyeeŋ tan betib a “Nyint Banabas nan Sɔɔl, ki bin tun toonn nba ki n yiimm a bin tun na.” Ki bi nyimm.

Toona 14:14

Banabas nan Pɔɔl nba din gbat ba yaa bin tun biaŋinba na, ki bi para biir, ki bi pat pat bi liata, ki chiar kɔɔ nibur na ni, ŋaan yikin a

Toona 14:4

Ki doo na niib din bɔkit, ki siab din see Juu teeb poor, ki leeb na mun see toomiinba na poor.

Toona 23:11

Li poorpo ki nyiɔk tan bɔnn, ki ti Yomdaanɔ Yisa baar Pɔɔl peŋ, ki tan betɔ a “I mɔk parcheenn. A poŋ turin siara Jerusalema, ki li bia tee talase ki a bia tun nna Rom.”

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Toona 9:17

Ŋanne ki Ananias saan kɔɔ ŋaak na ni, ki yii u nii Sɔɔl paak, ŋaan yetɔ a “N naa bik Sɔɔl, n Yomdaanɔ Yisae tumin. Ŋɔɔe tee daanɔ nba ki a daan baat nna ki tan lau sɔnu paak na, ki u tumin a n tan te ki a-ii jikii laat, ki bia gbee yent nan Yennu Seyeeŋ.”

Toona 9:3

Tɔn, wa ji din saa yoonbae ki saa per Damaskus, ki yentu nyii sanpaapo, ki sik yent lintɔ.

Toona 9:5

Ki u boi a “N Yomdaanɔ, ŋmee?” Ki kunkɔr na jiin a “Min Yisae, ki a mukisirin.

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 11:13

N piak ki teen yimm nba ki tee Juu teeb nee: Yennu nba te ki n tee Masia toomii i boor ni na, n sii mɔk yuugontir n toonn maŋ paak.

1 Korint teeb 1:1

Min Pɔɔl nba ki Yisa Masia yiinin a n teen u toomii Yennu loomm ni, min nan ti naa bik Sosenes sɔbin gbouŋ na ki teen Yennu mɔtaauk niib nba be Korint doo ni.

1 Korint teeb 10:30

Li-i tee ki n tur Yennu niipoouk n jeet na paak, nlee ki sɔɔ sa pak ki biir n sann jeet nba ki n tur Yennu niipoouk li paak na?”

1 Korint teeb 11:16

Ŋaan sɔɔ-i loon wun nɔi mɔniɔk ki jiin li po, n sa yet a timm amii Yenweiraleeb nba kur ki mɔk sennleer ki pukin na po.

1 Korint teeb 3:6

Min din bur bonbooriie ki Apolos mun maant nyun, ŋaan Yennue te ki li pia ki kpaat.

1 Korint teeb 9:19

N ki tee sɔɔ daabir, ŋaan n jii n mɔŋ ki kpant daabir ki tur sɔɔ kur a n te ki niib bonchiann-n baar Yisa Masia boor.

2 Korint teeb 10:7

Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

2 Korint teeb 11:5

Niib nba kpanni a bi tee Yisa toomiinba na, n ki dukin nan bi garimi.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Galasia teeb 5:1

Yisa Masia poŋ fat timma, ki ti be ti yama nie. Li paak, i daa te ki siar ji dia-i ki i tee li daabir.

1 Tesalonika teeb 2:6

Ti din ki loon i sɔɔ-n pakiti, amii nisɔɔ.

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

2 Timoti 1:11

Yennu poŋ din yiinin a n teen toomii nan wanntɔɔ ki mɔɔnt barŋanii maŋ.