1 Korint teeb 8:3 - Yennu Gbounpaauŋ Mɔɔr

³ Daanɔ nba loon Yennu, ŋɔɔe ki Yennu miu.

Yennu Gbouŋ Mɔɔr

³ Daanɔ nba loon Yennu, ŋɔɔe ki Yennu miu.

1 Korint teeb 8:3 ပူးပေါင်းရင်းမြစ်များ

Matiu 7:23

Li yoo ki n mun tan sa jiin ki yetib a ‘N ki miini, yimm toonbiit damm na, seetir nna man!’

Jɔɔnn 10:14

Mine tee pekpaaŋaŋ. N Baa Yennu nba min, ki n mun miu na, li mun bia tee nnee ki n mi n pei, ki bi mun min, ki n sa lu n miar bi paak.

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Rom Teeb 11:2

Yennu ki ŋaan u niib nba ki u dɔŋ gannib na. I mi la sɔb Yennu gbouŋ ni ki want Elaija nba din beer Yennu, Israel teeb biit po biaŋinba a

1 Korint teeb 13:12

Ta mi linba mɔtana waar, ki li tee kaman nan ta sa got nyun ni ki li bɔn biaŋinba na; ŋaan ti tan sa lau yeenin ni. Ma mi linba na, li daa waar; ŋaan n tan sa mir fanu kaman nan Yennu nba min biaŋinba na.

1 Korint teeb 2:9

Li sɔb Yennu gbouŋ ni a “Linba ki nirɔ ki la, ki bia ki gbati, ki bia ki dukin a li sa fit teen na, ŋanne ki Yennu teen siir ki guun binba loonɔ na.”

Galasia teeb 4:9

ŋaan mɔtana i bann Yennuwa, ki Yennu mun mi-i, li jin teen nlee ki i loon ki i ŋmat tunn ki wei bonsiar nba ki mɔk yaak nba sa sommi na boor ni? Bee teen ki i jin loon ki i bia kpant bi daaba?

2 Timoti 2:19

ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada ki mɔk parpeenn bonchiann nba ki nirɔ kan fit yet li manu nba tee biaŋinba.

1 Jɔɔnn 4:19

Yennue sint loonit; ŋanne teen ki ti mun mɔk loomm.

1 Jɔɔnn 4:7

N walonkai, tii loon ti leeb man, kimaan loomm tee Yennu yare, ki binba mɔk loomm, ŋamme tee Yennu waas ki bia miu.

Fiitu 2:13

ŋɔɔe yet a ‘N mi nan siaminba ki i be na tee siaminba ki Sintaanii naangbouŋ na be, ki n mi nan i set dia n sann; yoo nba ki bi din tan kpii Antipas nba din tee n siara daanɔ nan barmɔnii, i mɔŋ doo nba ki Sintaanii be na, li yoo maŋ gbaa ki i ki yêt n sɔnu.

Fiitu 2:19

ŋɔɔe yet a ‘N mi i binbeŋ nba tee biaŋinba, ki bia mi i loomm, nan i yada teenu, nan i toona, nan ya mɔk mintir biaŋinba, ki bia mi nan i toonŋana tumu pukii ki gar i sinsinn toona na.

Fiitu 2:9

ŋɔɔe yet a ‘N mi i fara po, ki bia mi nan i tee nandamme, ŋaan mɔmɔmm, Yennu boor ni, i tee mɔkitae; ki n mi nan nisiab piak ki biir i sana, ki bia yaa a bi tee Juu teebe, ŋaan ki ki tee nna; bi tee Sintaanii niibe.