1 Korint teeb 5:10 - Yennu Gbounpaauŋ Mɔɔr

¹⁰ Li ki tee a n yaa a i nyinn i mɔŋ nan tingbouŋ na bonchonchona, amii nianchiauŋ damm, amii nanyukii, amii patmann teeb kaa; li-i tee nna ŋanimi, see ki i nyii tingbouŋ na ni.

Yennu Gbouŋ Mɔɔr

¹⁰ Li ki tee n yaa ii nyinn i mɔŋ tingbouŋ na bonchonchona ni, koo nianchiɔŋ damm ni, koo nanyukii, koo patmannteeb ni kaa; li-i tee nna ŋarimi, see ki i nyii tingbouŋ na ni.

1 Korint teeb 5:10 ပူးပေါင်းရင်းမြစ်များ

1 Korint teeb 10:27

Wunba ki tee Masiaweirɔ ŋaan tan baanta jeet, fii diwa, ki daa boi buboit jeet maŋ po, ki daa ŋaant ki li daama a dudukit ni.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

1 Jɔɔnn 4:5

Ŋamme tee tingbouŋ na yab. Li paak te ki bi piak tingbouŋ na niauŋ po, ki tingbouŋ na ŋaateeb fiin bi po.

Filipi teeb 2:15

ŋanne sa te ki i daa mɔk biit, ŋaan kii mɔk popeenn, kii tee Yennu waas nba ki mɔk daŋ, kimaan i be nijakina nan biitdamm sinsuuk nie na. Li kpaa talas ki yii nyirii bi sinsuuk ni kaman nan ŋmaajara nba nyirii sanpaapo biaŋinba na,

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

1 Korint teeb 1:20

Li paak, tingbouŋ na yandamm nan mirteeb nan mɔnɔdamm na be lee? Yennu te ki tingbouŋ na yandamm teen yanne.

Jɔɔnn 8:23

Ki Yisa jiin a “Yimm tee tiŋ nna yabe, ŋaan min tee sanpaapo yɔɔe; yimm nyii tingbouŋ na nie, ŋaan min ki nyii tingbouŋ na ni kaa.

1 Jɔɔnn 4:7

N walonkai, tii loon ti leeb man, kimaan loomm tee Yennu yare, ki binba mɔk loomm, ŋamme tee Yennu waas ki bia miu.

Jɔɔnn 17:9

“Tɔn, mɔtana n ji meia bi paake na. N ki meia tingbouŋ na niib kur paak kaa, ŋaan mɔtana n meia binba ki a turin na paake, kimaan bi tee a yabe.

Jɔɔnn 17:6

“Niib nba ki a din gann ki turin na, n te ki bi bannawa. Bi din tee a yabe, ki a din jiib ki turin, ki bi mun sak a maama.

Jɔɔnn 15:19

Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Barŋanii nba ki LUK din sɔb nae na 18:11

Ki Farisii nirɔ na set ŋaan miar u mɔŋ dudukit ni ki yet a nna, ‘Yennu, n teena niipoouk, kimaan n ki tee biitdaanɔ kaman nan nileeb na. N ki tee ninfɔkdaanɔ, ki bia ki di fobiti, ki mun bia ki tuun bonchonchonsimi. Niipoouk nan ma ki tee kaman nan lampogaartɔɔ na na.

1 Korint teeb 5:9

N poŋ sɔb gbouŋ ki turi ki yet a i daa waa bonchonchona na.

1 Korint teeb 5:11

N sɔb ki yeeni a i daa tɔk nan daanɔ nba yaa a ŋɔɔ waa Masiae ŋaan tuun bonchonchonn toona, amii ki mɔk nianchiauŋ, amii ki mann pata, amii ki mɔk sanjaauŋ, amii ki tee danyuyuukpeen, amii ki tee nanyukɔɔ na; a poŋ daa kaar nan li nirɔ ki di jeeti.