1 Korint teeb 4:9 - Yennu Gbounpaauŋ Mɔɔr

⁹ Min yaa boor n dukin nan Yennu gann timm nba tee toomiinba na ki ti tee tariie, ki tee kaman nan niib nba ki bi sa kpib paanu ni, ki teemm yaarlituk niib, ki tingbouŋ na teeb kur nan malakanba goriit.

Yennu Gbouŋ Mɔɔr

⁹ Min yaa boor, n dukin nan Yennu gann timm nba tee toomiinba na ki ti tee tariie, ki tee nan niib nba ki bi saa kpib paanu ni, ki teemm yaarlituk niib, ki tingbouŋ na teeb kur nan malakanba gorii nae.

1 Korint teeb 4:9 ပူးပေါင်းရင်းမြစ်များ

Toona 19:29

Ki doo na kur muk. Ki bi soor Gaius nan Aristakus ki chiar saan kɔɔ namm nitituk ni. Jab bannlee maŋ din tee Masedonia niib, binba ki Pɔɔl tuu tɔkii namm na.

Toona 19:31

Ki doo na yudamm ni siab nba din tee Pɔɔl yɔɔsinba din tun toomii a Pɔɔl-n di sukuru, ki daa kɔɔ nitituk maŋ ni.

Rom Teeb 8:36

Li teen ki turit kaman nan la sɔb biaŋinba Yennu gbouŋ ni na a “A paake ki ti be kuun fara ni sanyiɔk niwa ki tan tuu dajouk, ki ti tee kaman nan peeuk nba ki bi tuu tee siir a bin kpiu nee.”

1 Korint teeb 15:19

Ta teen Masia yada na, li-i tee ki li mɔk nyɔɔt tingbouŋ na benu ni kuukɔɔie, ŋann ŋanin ti bo sii mɔk ninbaauk ki gar sɔɔ kura.

2 Korint teeb 11:23

bi-i yi bi mɔŋ Masia toontunnaie, mine set tuun mantik; (n piak kaman nan jatuk nee; teentin gafara man!) mine set tun Masia toona nan barmɔnii bonchiann, ki kɔɔ dansarii bonchiann. Niib boon kpaasa bonchiann Masia paak. N din la nunbɔŋ ki din per kuuma.

2 Korint teeb 6:9

Ti ki mɔk sann niib boor ni, ŋaan ti mɔk sann Yennu boor ni. Kuun tiin waat, ŋaan ki ti lek mɔk manfoor; Yennue te ki fara baatit, ŋaan u ki te ki li kpiti.

1 Tesalonika teeb 3:3

ki lin te ki i sɔɔ daa ŋmat poor muksuk na paaki. I mɔŋ mi nan li muksubooru tee Yennu loomme ki turit,

Hiibru teeb 1:14

Li paak, malakanba tee bee? Bi kur tee sei nba jiantir Yennue, ki ŋɔɔ Yennu tuumm a bii sommit niib nba la tinnu na.

Hiibru teeb 10:33

Sianyoo ni bi din tuu sukii-i paanu ni, ki daamii bonbiir, ki sianyoo i din tuu tan teen siir nan yin pukin binba ki bi din tun nna maŋ paak ki di namm nan li farawa.

Hiibru teeb 11:36

Ki niib din daan siab nyatuk, ki bia boob kpaasir; ki bi baan bi siab nan jarit, ki jiib saan kɔɔmm dansarii ni.