1 Korint teeb 4:7 - Yennu Gbounpaauŋ Mɔɔr

⁷ Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

Yennu Gbouŋ Mɔɔr

⁷ Ŋmee tura saakatuk leeb ni? Yennu kaa tura linba kur ki a mɔk na-a? Ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

1 Korint teeb 4:7 ပူးပေါင်းရင်းမြစ်များ

Barŋanii nba ki LUK din sɔb nae na 19:13

Wa daa din ki nyii yoonba na, ki u yiin u daaba piik ki tur turib salinkuna yenn yenn, ki betib, ‘I saa man ki saa kpent kpinkpouŋ nan likirii maŋ nan ma tan sa jen.’

Jɔɔnn 1:16

Tɔn, wa gbee nan ŋanu biaŋinba na, ki ti kur mun la u ŋanu maŋ, ki bia laat sommir ki pukii sommir paak.

Jɔɔnn 3:27

Ki Jɔɔnn maŋ betib a “Yennu nyint sɔɔ kur nan u toona. Nirɔ kan fit tun siar ki li ki tee Yennu nyinnɔ.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 12:3

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

Rom Teeb 12:6

Li paak, sɔɔ kur-n jii u piinii nba ki Yennu Seyeeŋ turɔ na ki tun biaŋinba ki Yennu turɔ yaak na. A piinii na-i tee fii sɔkint Yennu maan naie, li ŋan fan tun a yada biaŋ;

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

1 Korint teeb 3:5

Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

1 Korint teeb 5:6

I dontinmɔŋ maŋ ki ŋani. I ki mi a datiŋ waaminnae te ki boroboro yon kur fuutir piirii?

1 Korint teeb 7:7

N bo loon ki sɔɔ kur-ii be kaman nan ma be biaŋinba nee, ŋaan sɔɔ kur nan u piiniie ki li nyii Yennu boor jiak jiak.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

1 Piita 4:10

Sɔɔ kur nan wa gaar yan nba nyii Yennu boore, i diar fanu ki jii yan maŋ ki somm i leeb.