1 Korint teeb 4:6 - Yennu Gbounpaauŋ Mɔɔr

⁶ N naa waas, i paake ki n bikin linba na kur ki tur n mɔŋ nan Apolos, a i tumii ti boor ki wei Yennu gbouŋ nba wann biaŋinba na bonŋann, ki sɔɔ daa dont u mɔŋ ti yenɔkɔɔ paak ki gar u lɔɔ.

Yennu Gbouŋ Mɔɔr

⁶ N naa waas, i paake ki n bikin linba na kur ki tur n mɔŋ nan Apolos, a yii tumii ti boor ki wei Yennu gbouŋ nba wann biaŋinba na bonŋann, ki sɔɔ daa dont u mɔŋ ti yenɔ paak ki gaar lɔɔ na.

1 Korint teeb 4:6 ပူးပေါင်းရင်းမြစ်များ

Toona 18:24

Ŋanne ki Juu jasɔɔ nna din be, ki u sann yi Apolos, ŋaan bi din marɔ Aleksandria, ki u din tan baar Efesus. U din tee mamin daanɔe, ki din mi Yennu gbouŋ bonchiann.

Toona 19:1

Apolos nba din daa be Korint na, ki Pɔɔl ŋarin din gar Galasia nan Frijia yaka po ki saan Efesus. Leŋe ki u din saa la Yisaweisiab,

Rom Teeb 12:3

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

1 Korint teeb 1:12

Linba ki n yeen na tee a i siab yaa a bi tee Pɔɔl yabe, ki leeb mun yaa a bi tee Apolos yabe, ki siab mun bia yaa a bi tee Piita yabe, ki yemm mun yaa a bi tee Masia yabe.

1 Korint teeb 1:19

Li sɔb Yennu gbouŋ ni a u yet a “N sa biir yandamm minu na ki te ki bannteeb bannu na-n biar yann.”

1 Korint teeb 1:31

Li paak, yii tuun linba sɔb Yennu gbouŋ ni a “Wunba nyu bara, wun nyu bara maŋ ti Yomdaanɔ Yennu paak.”

1 Korint teeb 13:4

Wunba mɔk loomm, u mɔk sukurue nan burchint niib paak; u ki mɔk funfunn, ki bia ki mɔk wantinmɔŋ, ki bia ki mɔk dontinmɔŋi.

1 Korint teeb 3:19

Linba ki tingbouŋ na teeb dukin ki li tee yan na, li tee jatiie Yennu boor, nan la sɔb Yennu gbouŋ ni a “Yennu biir yan damm bannu.”

1 Korint teeb 3:21

Li paak, sɔɔ daa mɔk dontinmɔŋ nisaarik paaki. Siar kur tee i yare;

1 Korint teeb 5:2

ŋaan ki i mɔk dontinmɔŋ ki ki tiin fei li paaki. Li ki jaŋ nan i para-n biirii? Li ŋan ki yin nyinn li nibooru i sinsuuk ni.

1 Korint teeb 5:6

I dontinmɔŋ maŋ ki ŋani. I ki mi a datiŋ waaminnae te ki boroboro yon kur fuutir piirii?

1 Korint teeb 8:1

Tɔn, ki jikit saa patmannu nant po, ti mi nan ti kur mɔk bannu, ki li set tee mɔnii. Bannu te ki nirɔ dont u mɔŋ, ŋaan loomm ŋanin sommit nirɔe Masia waanu ni.

1 Korint teeb 9:23

Barŋanii na paake ki n tee linba na kur a n tan la li nyɔɔt.

2 Korint teeb 10:12

Mɔmɔmm, ti ki loon ki ti jii ti mɔŋ ki bikin nan nisiab nba dont bi mɔŋ, ki bia ki loon ki tii tee nan bi yemm na. Bi ki mɔk yami, bi gorii leeb binbeŋ nba tee biaŋinbae ki bikii nan bi mɔŋ.

2 Korint teeb 10:15

Ti ki loon pinpakit nisiab toona paaki. Ti mɔk dindann nan i sa ŋamm teen Yisa yada bonchiann, ki sommit ki ti ŋamm tun Yennu toona bonchiann i boor kaman nan wa jiir ki turit a ti tunn biaŋinba na.

2 Korint teeb 10:7

Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

2 Korint teeb 11:4

Nisɔɔ-i baar i boor ni ki beeri labalia nba ki tee Yisa labaar nba ki ti din beti na, bee te ki i tuu di sukuru nan li yɔɔ? Bee te ki i gaan labaar nba ki tee Yisa barŋanii; bee te ki i bia gaan seek nba ki tee Yennu Seyeeŋi?

2 Korint teeb 12:19

I dukii a ta piak na, ti loon ki ti nyinn ti mɔŋ barii niee? Li ki tee nna kaa. Ti be Yennu tɔɔnn poe, ki piak Masia nba loon biaŋinba. Ti naa walonkai, ti loon ki ti sommie ki i wei Yennu sɔnu fanu. Ŋanne te ki ti beeri.

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

2 Korint teeb 12:6

Mi-i loon ki n faa parbiir, ŋaan n kii tee kaman nan jatuk na kaa, kimaan mɔmɔmm kuukɔɔe ki n kpan sii piak; ŋaan min poŋ ki loon ki n faa parbiiri. Min ki loon ki nisɔɔ-n pakin ki gar pinpakit nba fan nanin. N loon ki bin got n binbeŋ nba tee biaŋinbae, ki gbat ma piak biaŋinba, ki li poorpo ki bin bann ma tee nibooru nba.

2 Korint teeb 4:15

Kimaan linba na nba kur be a lin somm yimme, ki niib bonchiann nba tan sa la Yennu ninbatinu na, bi tan sa turɔ niipoouk bonchiann, ki dont u sann.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.