1 Korint teeb 4:5 - Yennu Gbounpaauŋ Mɔɔr

⁵ Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

Yennu Gbouŋ Mɔɔr

⁵ Li paak, i daa bu sɔɔ buut mɔtana, kii guu yoo nba ki ti Yomdaanɔ tan saa baar na, ŋɔɔe tan saa jii linba be bunbɔnn ni ki wannir paanu ni, ki fiit para ni maan paanu ni. Li yooe, sɔɔ kur tan saa la u nyɔɔt nba tee linba Yennu boor.

1 Korint teeb 4:5 ပူးပေါင်းရင်းမြစ်များ

Matiu 10:26

“I daa tiimm jaŋmaanii, kimaan barsai kaa ki be woonin ni ki tan kan woot ki nyi paanu ni, amii ki bɔr ki tan kan nyi paanu ni.

Matiu 24:30

Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Matiu 24:46

Li-i tee ki u yomdaanɔ tan kpen ki la ki u tuun nna, parpeenn sii tee daabir maŋ yare.

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:23

Ki u yomdaanɔ yetɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Barŋanii nba ki LUK din sɔb nae na 6:37

“Daa bu nirɔ buuti ki Yennu kan bu a buuti. Daa piak nirɔ biir ki gbentɔ, ki Yennu kan biir ki gbennani. Nyikin chab niib ki Yennu sa nyik chaba mun.

Jɔɔnn 21:22

Ki Yisa jiin yetɔ a “Mi-i loon ki wuu be nan ma tan sa jen, li ki laani. Fin-ii waan.”

Jɔɔnn 21:23

Li paake teen ki Yisa poorpoweiteeb din yeen a Yisa poorpoweitɔɔ maŋ kan kpo. Ŋaan Yisa ŋarin din ki pak yaa a u kan kpo kaa. U din yet a “Mi-i loon wuu be nan ma tan sa jen, li ki laani.”

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Rom Teeb 14:4

Ki a tee ŋmee ki sa biir sɔɔ toontunnɔ? Li tee u mɔŋ Yudaanɔ nee sa yet wa dii nan wa baa, ki u set sa diwa kimaan ti Yomdaanɔ mɔk paŋ nba sa te ki wun di.

Rom Teeb 2:1

Li paak, nifosaarik nba want u lɔɔ biit, u ki mɔk sɔnu, kimaan fa want a lɔɔ biit na, li want nan a mɔŋ mɔŋ mɔk biit, kimaan fa want a lɔɔ biit na, a mɔŋ mɔŋ mun tuun nnee.

Rom Teeb 2:16

Tɔn, li tan sii tee nnee daar maŋ daar nba ki Yennu tan sa bu niib kur para ni buut Yisa Masia paak, kaman nan ma mɔɔntir barŋanii maŋ biaŋinba na.

Rom Teeb 2:29

Juu nirɔ nan barmɔnii tee wunba tee Juu nirɔ u par nie. Potu nan mɔnii mun tee par nie, ki li potu tee Yennu Seyeeŋ tumu; li ki tee gbanant paanu ni kaa. Li daanɔ laat paku Yennu boore, li ki tee nisaarik boori.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

1 Korint teeb 1:7

Li paak, i ki pɔt Yennu Seyeeŋ piinii na yenn gbaa nan ya guu daar nba ki ti Yomdaanɔ Yisa Masia tan sa jen na.

1 Korint teeb 11:16

Ŋaan sɔɔ-i loon wun nɔi mɔniɔk ki jiin li po, n sa yet a timm amii Yenweiraleeb nba kur ki mɔk sennleer ki pukin na po.

1 Korint teeb 11:26

Linba na wantit nan yoo nba kur ki i tan ŋman ti Yomdaanɔ boroboro ki nyuu tilɔɔna nyun maŋ, li want nan u din kpo ti paake. I sii tee nnee mɔkmɔk nan yoo nba ki u tan sa jen.

1 Korint teeb 15:23

Sɔɔ kur sa fiir u kuun fiiru yoo; Masiae fiir sinsinn, ki binba tee u niib mun tan sa fiir u baaru daar maŋ.

1 Korint teeb 3:13

Masia baaru daar maŋ nie, ki sɔɔ kur toona nba tee biaŋinba tan sa nyi paanu. Muue tan sa fiit wannir, ki bikin sɔɔ kur toona ki wann la tan sii tee biaŋinba.

1 Korint teeb 3:14

Li-i kii dii linba ki nirɔ maa tɔɔn fiakir maŋ paak na, ŋann ŋanin u sa la nyɔɔta.

1 Korint teeb 3:8

Bɔkitu kaa wunba buur nan wunba maant nyun na sinsuuk ni. Yennue sa turib nyɔɔt ba tun linba na paak.

2 Korint teeb 10:18

Kimaan nisɔɔ nba piak u mɔŋ, li ki want nan Yennu numm gboou kaa; ti Yomdaanɔ-i piak wunba, ŋanne want nan Yennu numm gboou.

2 Korint teeb 10:9

I daa dukii nan n loon ki n sɔb gbouŋ nba sa jeeniini.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.

1 Tesalonika teeb 5:2

kimaan i mɔŋ poŋ mi fanu nan ti Yomdaanɔ jenu daar maŋ tan sii tee kaman nan nanyukɔɔ nba tuu baat nyiɔk biaŋinba nee.

Hiibru teeb 4:13

Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.

Jeems 4:11

N naa waas, i daa piak mabiit leeb paaki. Wunba piak mabiit u naa bik paak ki biirɔ, li tee Yennu sennue ki u piak mabiit li paak ki biir. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.

Jeems 5:7

N naa waas, yii mɔk gbankur man kii guu ti Yomdaanɔ baaru daar maŋ. Gotir man kpaarɔ nba tuu mɔk gbankur ki guu kpafusaak mɔkmɔk nan sajoontik ki u jeet-n ji tan nan bonŋann.

Jeems 5:9

N naa waas, i daa mɔk bunburimii i leeb paaki, ŋaan li-i tee ki i tuun nna, Yennu sa bu i buut. Gotir man, barbuurɔ na nakin ki see i tammɔi ni.

1 Piita 1:7

Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.

2 Piita 3:12

kii guu Yennu daar maŋ, ki yabir i mɔŋ paak ki daar maŋ-n baar yian. Li daare ki sanpaapo tan sa kab ki biir, ki muu na tonu tan sa nann sanpaapo bonnankaa.

2 Piita 3:4

ki yeen a, “Yisa Masia nba din senn mɔsonn a u tan sa jen na, ŋɔɔ lia-aa? Ti baanba nba poŋ din kpowa nan dinna, bonsiar kur kpan tee kaman nan la poŋ tuu tee biaŋinba dunia pinpiik ni nee.”

Juud 1:14

Enok wunba paa Adam yoo paak munnlore ni na din sɔkin ki yet bi po a “Ti Yomdaanɔ nan u malakanbaŋamm tusa tusa baat

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.

Fiitu 20:12

Ki n la binba din kpo na, nijaana nan nitarii na, ki bi see naangbouŋ na tɔɔnn po; ki sɔɔ pɔbitir gbant, ki bia pɔbit gbanleer nba ki bi sɔb manfopaann damm sana ki teen leŋ na. Ki Yennu bu binba kpo na buut, ki li waa nan ba tuu tee biaŋinba bi toona ni na, ki li sɔb gbant maŋ ni.