1 Korint teeb 4:4 - Yennu Gbounpaauŋ Mɔɔr

⁴ N nɔɔk ni yeene, ŋaan li ki want a n ki tuun biiti, ŋaan ti Yomdaanɔe tee wunba bu n buut.

Yennu Gbouŋ Mɔɔr

⁴ N nɔɔk ni yeene, ŋaan li ki want a n ki tuun biiti, ŋaan ti Yomdaanɔe tee wunba bu n buut.

1 Korint teeb 4:4 ပူးပေါင်းရင်းမြစ်များ

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Toona 23:1

Ŋanne ki Pɔɔl got tituk kaanu damm maŋ sirrr, ki tan yet a “Chanbaanba nan n naa waas, ma din be ki tan tuu mɔtana, n mi nan li fan nan Yennu.”

Rom Teeb 2:13

Li ki tee a binba gbia sennu nee tee niŋamm Yennu boori, ŋaan li tee binba tuun biaŋinba ki sennu na wann na, ŋamme tee niŋamm u boor.

Rom Teeb 4:2

Wa din waa sennu na-i diŋŋi te ki Yennu yet a u tee niŋanɔ u tɔɔnn, u bo sii mɔk linba bo sa te ki u mɔk parbifaant, ŋaan u kii mɔk parbifaant Yennu tɔɔnni.

1 Korint teeb 4:3

Ŋaan li-i tee ki i bu n buut kaman nan nifosaarii nba tuu bu bi leeb buut na, n baka kaa; n mɔŋ gbaa ki bu n mɔŋ buute.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.