1 Korint teeb 4:12 - Yennu Gbounpaauŋ Mɔɔr

¹² Ti niŋinniie ki ti tuun ki di; bi-i sukirit, ti tuu jiimm mɔŋamme; bi-i dintit fara, ti tuu mɔk sukurue;

Yennu Gbouŋ Mɔɔr

¹² Ti niŋiie ki ti di; bi-i sukirit, ti tuu jiimm maŋamme; bi-i dintit fara, ti tuu mɔk sukurue;

1 Korint teeb 4:12 ပူးပေါင်းရင်းမြစ်များ

Matiu 5:11

“Niib-i sukii-i, ki mukisi, ki fa faakboorii boorii kur ki biiri, kimaan ya tee n poorpoweiteeb na paak, parpeenn tee i yare.

Matiu 5:44

ŋaan min ŋanin beerie la, nan yii loon man i datai mun, kii yeen wunba sukii-i na a ‘Yennu mɔsonŋann-ii be a paak;’ kii tuun linba ŋan kii teen binba nami; kii mei Yennu kii teen binba dinti fara na.

Barŋanii nba ki LUK din sɔb nae na 23:34

Ki Yisa yet ki yaa a “N Baa Yennu, nyikin chab niib na, kimaan bi ki bann ba tuun linba na paaki.” Ki bi din chent u liata ki dia ŋaan tɔ tiatia a bin la wunba sa di ki yent u liata maŋ.

Barŋanii nba ki LUK din sɔb nae na 6:28

Binba porintirii mɔpora i paak, yin jiimm a ‘Yennu mɔsonŋann-ii be i paak.’ Binba sarikiti, yii mei Yennu kii teemm.

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Toona 18:3

a wuu be namm, kimaan bi kur din tee gbanjabirae ki din tuun nan leeb.

Toona 20:34

Ma din be i sinsuuk ni na, i mɔŋ mɔŋ bia mi nan n din dia n nii nee ki tuun, ki min nan n weinanleeb di ki bia gbab.

Toona 7:60

ŋaan gbaan ki yikin sanpaapowa a “N Yomdaanɔ, daa jikit bi biit na ki biiribi.” U yet nnee ŋaan ji kpo.

Rom Teeb 12:14

Binba mukisi, yin jiimm a “Yennu mɔsonŋann-ii be i paak.” Mɔmɔmm, yii jiimm nna, i daa teemm mɔpor gbaa.

Rom Teeb 12:20

Yii tee kaman nan la sɔb Yennu gbouŋ ni a “A dataak-i mɔ kon, fan dinnɔ, nyunyukiru-i soorɔ, fan turɔ nyun wun nyu; a ki fi-i tee nna, a dintɔ feie.”

Rom Teeb 8:35

Ŋmee sa fit nyinnit Yisa Masia loomm ni? Ti fara amii maan amii sukit amii kon amii namu amii parbiir amii kuume? Aaii.

1 Korint teeb 9:6

I dukii a min nan Banabas kuukɔɔe ki mɔk yaak nba sa nyik ti toona tumu ŋaan ki yii dintitii?

2 Korint teeb 11:8

Ma din beeri Yennu mɔmaan na, Masia nisiab din tuu pan li paak, ŋaan yimme bo sa turin li sommir.

Efesus teeb 4:28

Wunba tuu jaan u leeb bont na wun ji nyik jamu, ŋaan yabir tun toona ki fit tur tatimm linba ki bi loon.

1 Tesalonika teeb 2:9

Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

2 Tesalonika teeb 3:8

Ti din ki mi gaar sɔɔ sommir yann ki ki pa li paaki. Ŋaan ti kpan din tuune ki nyi naauk, ki lek tuun yennu nan nyiɔk, a ti daa te ki sɔɔ biir i siar ti paaki.

1 Timoti 4:10

Ti gbaae ki tuun nan nunmɔnn kimaan ti mɔk dindann Manfodaanɔ Yennu paak, kimaan u be ki tee sɔɔ kur Tinntɔɔ, ki sa tinn sɔɔ kur nba teenɔ yada.

1 Piita 2:23

Ba din sukiiɔ, u din ki jiin sukiti; wa bia din be fara ni, u ki jeen sɔɔ, ŋaan din jii u mɔŋ ki teen Yennu wunba bu niib buut fanu na nuu ni.

1 Piita 3:14

Ŋaan li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, i bia daa te ki li daamiini.

1 Piita 3:9

I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.

1 Piita 4:19

Li paak, binba di fara Yennu loomm paak na, bii tuun toonŋana, ki jii bi mɔŋ ki pet tur bi nantɔɔ Yennu nba tee barmɔnii daanɔ na.

Juud 1:9

Ŋaan malakanba saakɔɔ nba ki u sann yi Maikel na, ŋɔɔ nan Sintaanii nba din kɔn Moses gbanant paak na, ŋaan Maikel mɔsɔɔ din ki sukir Sintaanii, ŋaan din betɔ a “Ti Yomdaanɔ sa wanna yan.”