1 Korint teeb 3:5 - Yennu Gbounpaauŋ Mɔɔr

⁵ Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

Yennu Gbouŋ Mɔɔr

⁵ Ŋmee tee Pɔɔl-i, ki ŋmee mun tee Apolos-i? Ti kpan tee Yennu toontunna nba din te ki i sak Yiisa mɔb nae. Ti kur na tuun toona nba ki ti Yomdaanɔ turit a tii tuume.

1 Korint teeb 3:5 ပူးပေါင်းရင်းမြစ်များ

Matiu 25:15

U din tur sinsinn yoo na pɔŋ tusa ŋaŋŋmu, ki tur wunba paa na pɔŋ tusa ŋannlee, ki tur wunba joont na pɔŋ tusyenn. U din tur sɔɔ kur kaman nan wa mi li yɔɔ kotir nba tee biaŋinbae, ŋaan yaat ki saan.

Jɔɔnn 3:27

Ki Jɔɔnn maŋ betib a “Yennu nyint sɔɔ kur nan u toona. Nirɔ kan fit tun siar ki li ki tee Yennu nyinnɔ.

Toona 18:24

Ŋanne ki Juu jasɔɔ nna din be, ki u sann yi Apolos, ŋaan bi din marɔ Aleksandria, ki u din tan baar Efesus. U din tee mamin daanɔe, ki din mi Yennu gbouŋ bonchiann.

Toona 19:1

Apolos nba din daa be Korint na, ki Pɔɔl ŋarin din gar Galasia nan Frijia yaka po ki saan Efesus. Leŋe ki u din saa la Yisaweisiab,

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

1 Korint teeb 12:28

Ŋanne ki Yennu gann toomiinba u niib sinsuuk ni ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib paak, ki gann sommteeb; ki wei paan saakab nba ŋan ki gorii toona paak; ki wei paan binba piak mabooru booru.

1 Korint teeb 16:12

Ti naa bik Apolos ŋanin, n barimɔe ki loon ŋɔɔ nan ti naa waas na-n tɔk ki baar i boor, ŋaan u ki loon wun baar mɔtana; li-i tee ki u tan sa la yoo, u sa baara.

1 Korint teeb 3:10

Yennu nba sommin biaŋinba na paak, n tee kaman nan tanmaaŋanɔ nee, ki piin fiakir, ki sɔɔ mun maa ki tɔɔnt li paak. Ŋaan wunba kur maa ki tɔɔnt li paak, wun soor u mɔŋ.

1 Korint teeb 3:22

min Pɔɔl nan Apolos nan Piita nan tingbouŋ na, nan manfoor nan kuun, nan mɔtana nan yoo nba baat na, yimme yen linba na kura.

1 Korint teeb 3:7

Wunba bur nan wunba maant nyun ŋanin tee yanne; Yennu ki tee yanni, kimaan ŋɔɔe te ki li kpaat.

1 Korint teeb 9:17

Mi-i bo-i gann toonn maŋ n tiauŋue, n bo sa la nyɔɔt, ŋaan min-i kaa gann n mɔŋi, li tee Yennue guunin toonn maŋ.

2 Korint teeb 11:23

bi-i yi bi mɔŋ Masia toontunnaie, mine set tuun mantik; (n piak kaman nan jatuk nee; teentin gafara man!) mine set tun Masia toona nan barmɔnii bonchiann, ki kɔɔ dansarii bonchiann. Niib boon kpaasa bonchiann Masia paak. N din la nunbɔŋ ki din per kuuma.

2 Korint teeb 3:3

Li dɔɔ paanu ni nan yimme tee Masia gbouŋ maŋ ki u din sɔb ki tunt nann; li tee gbouŋ nba ki nisaarik kaa jii makmɔɔnu ki sɔb tanpatlai paaki, ŋaan manfodaanɔ Yennu Seyeeŋe sɔbir nisaarii para ni.

2 Korint teeb 3:6

Ŋɔɔe din te ki ti jaŋ nan u lorpaanu toona; ki lorpaanu maŋ ki tee Moses sennu nba ki bi din sɔb na kaa, li tee Seyeeŋ yare; kimaan sennu maŋ din baat nan kuume, ŋaan ki Yennu Seyeeŋ teent manfoor nba kaa gbennu.

2 Korint teeb 4:1

Yennu ninbatinu paake ki u jii toona na ki teen ti nii ni, li paake te ki ti ki mɔk kpinkpangbatuku.

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

2 Korint teeb 4:7

Ŋaan timm nba mɔk Seyeeŋ mɔkint na tee kaman nan yɔkmaanu nee, ki li want nan paŋ nba gar paŋ kur tee Yennu yare, ŋaan li ki tee ti yari.

2 Korint teeb 5:18

Linba na kur nyi Yennu boore. Ŋɔɔe ŋammitit Masia paak, a ti ji daa tee u datai kaa, a ŋaan ti ji sii tee u yɔɔsinbae, ki bia turit u yiini maŋ toona a ti te ki niib-n mun kpant u yɔɔsinba.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

2 Korint teeb 6:4

Ti binbeŋ nba tee biaŋinba nae want niib nan ti set tee Yennu toontunnae, kimaan ti laat fara, nan muksuk, nan maan, ŋaan lek di sukuru li kur na ni.

Efesus teeb 3:7

Yennu ninbatinu paak ki u din turin yaak a n teen u toomii kii mɔɔntir u barŋanii wa turin paŋ biaŋinba na.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:25

Ki Yennu nba turin toonn maŋ a n tun na, ŋɔɔe teenin Masia niib maŋ daabir i sommir paak, a niib-n bann Yennu barii maŋ mun.

1 Timoti 1:12

N teen ti Yomdaanɔ Yisa Masia wunba turin paŋ a man tun u toona niipoouk, kimaan ŋɔɔe yet a n jaŋ nan toona maŋ, ki te ki n tuun teenɔ,

1 Piita 4:10

Sɔɔ kur nan wa gaar yan nba nyii Yennu boore, i diar fanu ki jii yan maŋ ki somm i leeb.