1 Korint teeb 3:3 - Yennu Gbounpaauŋ Mɔɔr

³ kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

Yennu Gbouŋ Mɔɔr

³ kimaan i binbeŋ bia daa tee nan tingbouŋ na niib binbeŋ nae; kimaan funfunn nan mɔniɔk-u be i sinsuuk ni, i ki waa tingbouŋ na niib binbeŋ kaa-a?

1 Korint teeb 3:3 ပူးပေါင်းရင်းမြစ်များ

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 1:11

N naa waas, Kloe ŋaatesiab betin a i mɔk mɔniɔk nan leeb i sinsuuk ni.

1 Korint teeb 11:18

Sinsinn, n gbia ki bi yeen a ya tuu lakin leeb na, a lukitin tuu be i sinsuuk ni, ki n set gaar yenninba ki li tee mɔmɔmme.

1 Korint teeb 3:4

Ki sɔɔ-i yet a u tee Pɔɔl yɔɔe, ki lɔɔ mun yet a u tee Apolos yɔɔe, ŋann i ki tuun kaman nan tingbouŋ na teeb binbeŋ na kaa-aa?

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

Galasia teeb 5:15

Ŋaan li-i tee ki i tee i leeb danii ki biir i leeb kaman nan muuk ni bonkobit na, i set sa baan i leeb yann na.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Jeems 3:16

kimaan funfunn nan dontinmɔŋ nba be sian, daamuk nan biitbooru booru kur be leŋe.

1 Piita 4:2

La jii yoo na ki saa, i daa jikit i gbanant ki tuun nisaarik loonbiiti, ŋaan kii waa Yennu loomm.