1 Korint teeb 3:18 - Yennu Gbounpaauŋ Mɔɔr

¹⁸ Sɔɔ daa kpann u mɔŋi. Sɔɔ-i be i sinsuuk ni ki dukii nan u tee yan daanɔe tingbouŋ na binbeŋ ni, li ŋan wun kpant u mɔŋ jatuk ki set teen yan daanɔ.

Yennu Gbouŋ Mɔɔr

¹⁸ Sɔɔ daa kpann u mɔŋi. Sɔɔ-i be i sinsuuk ni ki dukii nan u tee yandaanɔe tingbouŋ na binbeŋ ni, li ŋan wun kpant u mɔŋ jatuk ki set teen yandaanɔ.

1 Korint teeb 3:18 ပူးပေါင်းရင်းမြစ်များ

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 18:4

Wunba sikint u mɔŋ ki u binbeŋ tee kaman nan bik na binbeŋ na, ŋɔɔe tan sii tee saakɔɔ Yennu naan ni.

Barŋanii nba ki MAK din sɔb nae na 10:15

Barmɔniie ki n beeri na, wunba ki gaar Yennu naan kaman nan bik na, u kan mi kɔɔ li ni fabaa,”

Barŋanii nba ki LUK din sɔb nae na 18:17

Barmɔniie ki n beeri na, wunba ki gaar Yennu naan kaman nan bik na, u kan mi kɔɔ li ni fabaa.”

Barŋanii nba ki LUK din sɔb nae na 21:8

Ki u yetib a “I mi man ki bi tan sa kpanni. Niib bonchiann tan sa baar nan n sann ni ki yeen a ‘Mii tee Masia,’ amii ‘Masia yent yoo pera.’ Li nibooru, i daa waabi.

Rom Teeb 11:25

N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

1 Korint teeb 15:33

I daa sak ki sɔɔ-n kpanniini. Niŋamm nan nibiit-i tɔkii nan leeb, li sa biir niŋamm maŋ binbenŋaŋ.

1 Korint teeb 3:17

Li paak, wunba biir Yennu diiuk, Yennu mun sa biir li yɔɔwa. Kimaan Yennu diiuk tee diyeeŋe; ki yimme tee u diiuk maŋ.

1 Korint teeb 4:10

Ti tee jatite Masia paak, ŋaan yimm ŋanin tee yandamme Masia sɔnu ni; ti ki mɔk paŋ, ŋaan yimm ŋanin mɔk paŋ; ki niib teeni nibaakir ŋaan yisin timm.

1 Korint teeb 6:9

I ki mi nan biitdamm tan kan kɔɔ Yennu naan ni-ii? I daa kpann i mɔŋ; binba tee joonbaarit amii bonchonchona amii patmannteeb amii jab nba mɔk niauŋ ki dɔɔ nan bi jaleeb

Galasia teeb 6:3

Sɔɔ-i kii tee siar, ŋaan bikii a u mun tee sɔɔe, u kpann u mɔŋe.

Galasia teeb 6:7

I daa kpann i mɔŋ mani; sɔɔ kan fit kpann Yennu; nisaarik nba bur linba, ŋanne ki u tan sa jaan kpaŋ.

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

2 Timoti 3:13

ki nibiit nan kpinkpannii damm lek tan sii ŋammit pukii bi bitime, ki kpann leeb, ki bi leeb mun sa kpannib.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Jeems 1:22

Ŋaan yii tuun biaŋinba ki maan maŋ wanni na; li-i tee ki i gbat maan maŋ, ŋaan ki ki tuun biaŋinba ki li wann na, i kpann i mɔŋe.

Jeems 1:26

Wunba mi nan u tee Yisaweirɔ ŋaan ki ki so u mɔbi, li daanɔ kpann u mɔŋe. Li want nan u waanu na tee yanne.

1 Jɔɔnn 1:8

Tɔn, ti-i yaa a ti ki mɔk biitie, ŋann ti kpann ti mɔŋe, ki barmɔnii kaa ti ni.