1 Korint teeb 3:16 - Yennu Gbounpaauŋ Mɔɔr

¹⁶ I tee Yennu diiuko, ki Yennu Seyeeŋ be i ni; i ki mi nna-aa?

Yennu Gbouŋ Mɔɔr

¹⁶ I tee Yennu diiuko, ki Yennu Seyeeŋ be i ni; i ki mi nna-a?

1 Korint teeb 3:16 ပူးပေါင်းရင်းမြစ်များ

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Rom Teeb 6:16

Fi-i jii a mɔŋ ki pet ki tur nirɔ ki tee u daabir ki saak u mɔb, li tee mɔniie nan a set tee u daabire. Fi-i sak ki tuun toonbiit, a tee biit daabire, ki li joontu tee kuume; ŋaan fi-i sak Yennu mɔb, a tee mɔsakdaanɔe, ki ŋanne sa te ki a teen niŋanɔ Yennu boor.

Rom Teeb 6:3

Timm nba ki bi wurit Yennu nyunwuru nan Yisa Masia sann ni na, li tee kaman nan ti lakin kpo nanɔ nee.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

Rom Teeb 8:9

Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

1 Korint teeb 3:17

Li paak, wunba biir Yennu diiuk, Yennu mun sa biir li yɔɔwa. Kimaan Yennu diiuk tee diyeeŋe; ki yimme tee u diiuk maŋ.

1 Korint teeb 3:9

Ti lakin tuun ki teen Yennue. I tee kaman nan Yennu kpaab nee, ki bia tee kaman nan Yennu diiuk na.

1 Korint teeb 5:6

I dontinmɔŋ maŋ ki ŋani. I ki mi a datiŋ waaminnae te ki boroboro yon kur fuutir piirii?

1 Korint teeb 6:16

Wunba jii u mɔŋ ki taan nan poochonchonn, ŋɔɔ nan li daanɔ ŋanin taan gbananyennkɔɔwa. Li sɔb Yennu gbouŋ ni a “Jɔɔ nan u poo sa taan ki tee gbananyennkɔɔe.”

1 Korint teeb 6:19

I gbanant na tee Seyeeŋ nba ki i gaar Yennu boor na diiuko, ki u be i ni. I ki mi nnee-ee? I ki yen i mɔŋi, Yennue yeni;

1 Korint teeb 6:9

I ki mi nan biitdamm tan kan kɔɔ Yennu naan ni-ii? I daa kpann i mɔŋ; binba tee joonbaarit amii bonchonchona amii patmannteeb amii jab nba mɔk niauŋ ki dɔɔ nan bi jaleeb

1 Korint teeb 9:13

I poŋ mi nan binba tuun Yennu jiantu ŋasaakak ni na, bi jeet nyi bi toonn maŋ nie; ki binba mann mannu ki teen Yennu ki ŋammii binbintir na mun gaan bi yar leŋe.

1 Korint teeb 9:24

Li-i tee nantaar, nantatinna kur tuu tiine, ŋaan yenɔkɔɔe tuu tan di ki gaar piinii. Li paak, yabit ki tin di ki gaar piinii maŋ.

2 Korint teeb 6:16

Yennu diiuk nan pochianfeek tee yemmee? Aaii. Timme tee diiuk ki tur manfodaanɔ Yennu, kimaan ŋɔɔ Yennu din yet a “N sii be n niib para nie, kii somm bi sinsuuk ni. N sii tee bi Yennue, ki bi mun sii tee n niib.”

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

2 Timoti 1:14

Yennu Seyeeŋ paŋ nba be ti ni na paak, i dia barŋanii nba ki u jii ki teen a nuu ni na.

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Jeems 4:4

I nyik Yennuwa, ki waa bonliae. Li-i tee ki i tee tingbouŋ na yɔɔsinbaie, i tee Yennu dataie; I ki mi nnee-ee? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

1 Jɔɔnn 4:12

Sɔɔ kaa ki mi la Yennu nan u ninbina, ŋaan ti-i loon ti leebie, Yennu sii yɔɔ be ti ni, ki ti sii mɔk loomm nba ki u teent na nan barmɔniie.