1 Korint teeb 3:10 - Yennu Gbounpaauŋ Mɔɔr

¹⁰ Yennu nba sommin biaŋinba na paak, n tee kaman nan tanmaaŋanɔ nee, ki piin fiakir, ki sɔɔ mun maa ki tɔɔnt li paak. Ŋaan wunba kur maa ki tɔɔnt li paak, wun soor u mɔŋ.

Yennu Gbouŋ Mɔɔr

¹⁰ Yennu nba sommin biaŋinba na paak, n tee nan tanmaaŋanɔ nae, ki piin fiakir, ki sɔɔ mun maa tɔɔnt li paak. Ŋaan wunba kur maa ki tɔɔnt li paak, wuu mi.

1 Korint teeb 3:10 ပူးပေါင်းရင်းမြစ်များ

Matiu 24:45

“Daabilannɔe tee yandaanɔ ki tuun u yomdaanɔ nba wantɔ biaŋinba? Ŋɔɔe tee wunba ki u yomdaanɔ sa teenɔ daabiyudaanɔ a wuu gorii u daabileeb, kii teemm mann nan li sɔnu.

Matiu 7:24

“Li paak, wunba kur gbia n maan na ki waa-r fanu, n sa nannɔ nan yandaansɔɔ nba din maa u ŋaak tanpiiuk paak nee;

Barŋanii nba ki LUK din sɔb nae na 11:35

I mi man ki yentu nba be i ni na daa bɔni.

Barŋanii nba ki LUK din sɔb nae na 21:8

Ki u yetib a “I mi man ki bi tan sa kpanni. Niib bonchiann tan sa baar nan n sann ni ki yeen a ‘Mii tee Masia,’ amii ‘Masia yent yoo pera.’ Li nibooru, i daa waabi.

Toona 18:27

Li poorpoe ki Apolos dukin a wun saan Akaya. Ki Yisaweira nba din be Efesus na sommɔ, ki sɔb gbouŋ ki tur Yisaweira nba be Akaya na, a u-i taŋŋi baar, bin gaarɔ saantuk. Wa tan baar leŋ yoonba, ki u set tot binba teen yada Yennu ninbatinu po,

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 12:3

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

Rom Teeb 15:15

ŋaan ma sɔbin gbouŋ na ki teeni na, n mɔk parcheenn ki yaa n tiari baryena, kimaan Yennu mɔk ninbatinu n paak

Rom Teeb 15:20

Ŋanne ki n lin nan ninmɔnn ki mɔɔntir Masia barŋanii na ki teen niib nba ki mi gbati; n ki loon mii lin kii lei siaminba ki niib poŋ dɔŋ mɔɔnt leŋi,

1 Korint teeb 3:11

Yennu poŋ din jii Yisa Masia ki u tee fiakire, ki fiaksiar ji kaa ki sɔɔ ji sa fit piinii.

1 Korint teeb 9:2

Siab-i kii sak a n tee Masia toomii, ŋaan yimm ŋanin, li kpaa talas yin sak, kimaan ya tee mɔsakdamm na, ŋanne sa wann nan n set tee toomiie.

2 Korint teeb 10:15

Ti ki loon pinpakit nisiab toona paaki. Ti mɔk dindann nan i sa ŋamm teen Yisa yada bonchiann, ki sommit ki ti ŋamm tun Yennu toona bonchiann i boor kaman nan wa jiir ki turit a ti tunn biaŋinba na.

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki i mun tɔɔnn ki Yisa Masia mɔŋ tee li tanjaann.

Kolosa teeb 1:29

Linba na paak ki n lek yabii nan n paŋ kur nba ki Masia turin ki li yab bonchiann.

Kolosa teeb 4:17

Yi bet Akipus a wun yabir u mɔŋ kii tuun toona nba ki ti Yomdaanɔ din turɔ na fanu.

1 Tesalonika teeb 3:2

ŋaan daan tun ti naa bik Timoti, wunba ki timm nan ŋɔɔ taan tuun ki teen Yennu ki mɔɔntir Masia barŋanii, a wun chee i yada ki kɔɔnni para,

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.

2 Timoti 2:15

Yabit a mɔŋ paak ki Yennu-n paka, kii tee toontunnɔ nba dia barmɔnii mɔmaan ki want niib fanu ki tan kan di fei u toona paak.

Jeems 3:1

N naa waas, i nisiab bonchiann daa loon bin teen wannteebi, kimaan i poŋ mi nan binba tee wannteeb na, bi buut tan sii paar ki gar binba ki tee wannteebi.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

2 Piita 3:15

Ti Yomdaanɔ nba di sukuru ki daa ki jen mɔtana na, u loon ki yin bann nan u teen niibe yaak a bin la tinnu sinsinn na ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, kaman nan Yennu nba turɔ yan ki u dia biaŋinba.

Fiitu 21:14

Doo maŋ fiakir see tana piik nan ŋannlee paake, ki Pebik na toomiinba piik nan bannlee na sana sɔb tana piik nan ŋannlee na paak.

Fiitu 21:19

ki bi jii tana nba daauk paar bonchiann, li booru boorue, ki fɔkin fiakir na, ki tanbooru maŋ te ki li ŋan bonchiann. Sinsinn fiakir tann nae ki bi yir jaspa, ki tann nba pukin munnlee na yi safir, ki munntaa ni yar yi agat, ki munna ni yar yi emeral, ki muŋŋmu ni yar yi onik, ki munnloob ni yar yi kanelian, ki munnlore ni yar yi krisolat, ki munniin ni yar yi beril, ki munnyia ni yar yi topas, ki piik ni yar yi krisopas, ki linba pukin piik nan yenn na yi jasint, ki piik nan ŋannlee ni yar mun yi ametis.