1 Korint teeb 2:6 - Yennu Gbounpaauŋ Mɔɔr

⁶ Mɔmɔmm, ti piak nan yame ki teen binba ki bi para chee nan Yisaweiu ni na. Li ki tee tingbouŋ na niib yan amii tingbouŋ na paŋ damm nba ki bi panii sa teen yann na.

Yennu Gbouŋ Mɔɔr

⁶ Mamɔmm, ti piak nan yame ki teen binba ki bi para chee Yiisaweiu ni na. Li ki tee tingbouŋ na niib yan, koo tingbouŋ na paŋ damm nba ki bi panii saa teen yann na kaa.

1 Korint teeb 2:6 ပူးပေါင်းရင်းမြစ်များ

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 19:21

Ki Yisa betɔ a “Li-i tee ki a loon ki a binbeŋ-ii tee fanu nan barmɔnii, fii saa ki saa kɔi fa mɔk linba ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Matiu 5:48

Li paak, yii be man fanu kaman nan i Baa Yennu nba be sanpaapo na nba be fanu biaŋinba na.

Barŋanii nba ki LUK din sɔb nae na 16:8

Tɔn, yoo nba ki chanbaa na gbat u karachi fobidiirɔ na nba tun biaŋinba na, ki u pakɔ, a u tun nan yame.” Ki Yisa ŋamm yetib a “Binba waa tingbouŋ na sɔnue mɔk yan bi mɔŋ niib sinsuuk ni ki gar binba waa yentu sɔnu nba mɔk biaŋinba.

1 Korint teeb 1:28

Yennue gann tarii nan binba ki mɔk nyɔɔt, nan binba ki tee siar, a wun teen linba ki niib dukii a li mɔk nyɔɔt na yann.

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

1 Korint teeb 14:20

N naa waas, i daa dia bisin ni dudukiti, ŋaan biit ni, yii tee kaman nan sanpantii nee; ŋaant man ki i dudukit-ii tee subintɔɔ dudukit.

1 Korint teeb 2:1

N naa waas, ma din baar i boor ni na, n din ki mɔɔntir Yennu labaar na ki teeni nan mɔmant amii nifosaarik minu ni kaa.

1 Korint teeb 2:13

Li paak, ki ti ki piak maan nba tee nisaarik wannu yami; ŋaan ti piak linba ki Yennu Seyeeŋ wantit, ki bia want Yennu barmɔnii na ki teen niib nba ki Yennu Seyeeŋ be bi ni na;

1 Korint teeb 2:8

Tingbouŋ na ŋaayudamm sɔɔ kaa ki mi yan na. Bi-i bo-i mir, bi din bo kan kpaa ti Yomdaanɔ wunba yen paku kura na dapunpunn paaki.

1 Korint teeb 3:1

N naa waas, li tee mɔniie, n din ki fit pak ki turi kaman nan ma din bo sa pak ki tur niib nba mɔk Yennu Seyeeŋ na; n din pak ki turi kaman nan ma bo sa pak ki tur tingbouŋ na teeb nee, ki i binbeŋ bia tee kaman nan waas binbeŋ nee Masia sɔnu ni.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

2 Korint teeb 4:3

Li paak, li-i tee ki Yennu barŋanii paak bɔrie, li bɔr binba kpet Yennu sɔnu ni na boor nie.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

Hiibru teeb 5:14

Ŋaan jeŋmankat tee saakab yare, ŋamm tuu tumii ki fit bann linba tee bonbiir nan linba tee bonŋann.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

Jeems 3:15

Li yan ki nyi Yennu boor ni kaa, li tee tingbouŋ na nan gbanant loomm nan Sintaanii yare,

Jeems 3:2

Ti kur tun linba ki tokin bonchiann, ŋaan wunba ki piak mabiit, li daanɔ set tee niŋanɔe ki sa fit soor u gbanant kura.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.